حسان العربي .. فنان لم يإخذ حقه.. و حوار صريح وخاص لـ عالم النجوم
إعداد وحوار / دعاء نصر
حسان العربي قدم العديد من الأدوار في السينما ، والدراما، متمكن في أدائه، وموهوب لكنه لم يؤخذ فرصته ليظهركل ماعنده حتى الأن، واشتهر بـ ستاموني من أبرز. أعماله الدرامية .. سوق العصر ، سوق العصر ، سلسال الدم ، الجماعة، مزاج الخير ، الركين ، نعم مازالت أنسة وأخر أعماله ليالينا 80.
من أبرز أعماله السينمائية :
بلطية العايمة، الزمهلاوية ، كيمو وأنتيمو ، 55 إسعاف صعيدي في الجامع. الإمريكية ، صاحب صاحبه ، وغيره الكثير.
من أبرز أعماله المسرحية :
ازعرينا ، دستور ياسيادنا ، جوز ولوز ، وغيرهم.
بدايةً حضرتك شاركت في العديد من الأعمال الدرامية والسينمائية؟أيه أكتر عمل شاركت في أقرب لقلبك؟
اقرب عمل لقلبي مسلسل ريا وسكينة ، ومسلسل يونس ولد فضه .. افلام فيلم الزمهلاوية فيلم شجيع السيما.
أيه أكتر فنان أتبسط بالعمل معه وتتمنى تكرر التجربة معاه تانى؟ ومين تتمنى تشتغل معاه ولسه محلفكش الحظ؟ وأكتر مخرج؟
اكتر فنان بحب اشتغل معاه احمد بدير، واتمني اشتغل مع عادل امام،واكتر مخرج نفسي اشتغل معاه شريف عرفة.
أيه رأيك في المحتوى اللى بيتقدم حاليا؟ وإيه أكتر عمل شدك في دراما رمضان 2020؟ و اكتر فنان عاجبك وأكتر فنانة؟
المحتوى اللي قدم في رمضان لاباس معقول .. اكتر فنان عجبني احمد زاهر واكتر فنانه روجينا ومسلسل البرنس شدني فعلا.
حضرتك شاركت في رمضان في مسلسل ليالينا؟ شايف المسلسل أخذ حقه ونجح النجاح المطلوب ولا أتظلم في التوزيع والمواعيد وده خلاه متشفش صح؟
مسلسل ليالينا فعلا اتظلم وللأمانة بستمتع مع أحمد صالح المخرج والاكتشاف الجديد كممثل محمد رشاد ممثل واخلاق
حضرتك شاركت في مسلسل الضاهر الذي حقق نجاح كبير؟ شايف أن التلفزيون فعلا مفتقد النوعية دى من الأعمال؟
مسلسل الظاهر مسلسل مخدش حقه تماما لكن مسلسل جيد كتابيا واخراجا وانا شايف اني لو فعلا كثرة الأعمال ده هيبقي ليها رد فعل عند الجمهور
الفنان حسان العربي أيهما أقرب لقلبك العمل في الدراما أو السينما أو المسرح؟
بحب المسرح جدا واكتر مسرحية لقلبي هما اتنين مسرحية جوز ولوز و مسرحية لا بلاش كده، وبحب الدراما والعمل الجيد اللي حبيته السنه ده ليا .. مسلسل يانا ياجدو الدور كان مميز وسعدت به، وايضا مسلسل ليالينا ٨٠.
تقول أيه للناس اللى بتحبك بمناسبة قدوم عيد الأضحى؟ وايه اللى بتتمناه قبل أنتهاء 2020 ونفسك يتحقق؟
بقول لجمهور مصر الجميل احنا محتاجين دعواتكم لرئيسنا ولبلدنا علشان احنا فعلا في حرب خارجية وداخلية كل سنه وانتم طيبين
