إنتظروا soon .. بقلم/ حمادة العسكري 

إنتظروا soon
خبر فراقنا عن قريب هيسيب وأسيب
مابقتش فارقه آه كتير كده بايظه بايظه

إنتظروا soon
هحب نفسي وأعيش يومين ضحيت سنين
علقت نجمه ولا مثلا خدت جايزه

كلامي يمشي ع الجميع هتبيع هبيع من غير كلام
لو قلبي عايز الهلاك يروح معاك باي باي سلام

اهلا اهلا بالفراق
قاعد كده ف الإنتظار
مكنش يومك يااشتياق
زي قتيل مضروب بنار

مرحب مرحب بالبعاد
صاحي بحلم بالميعاد
أطهر قلبي من الفساد
أنقذ روحي من الدمار

إنتظروا soon
تابعوا ف مفاجآت كتير الفصل الأخير
كوميديا حزينه أخر مشاهد المسرحيه

حب بجنون
حبيته آه فوق الخيال معدش بال
يغلط وأراضي ويحمل قلبي المسؤليه

جيت على قلبي آه كتير وأنا ف الأخير مش ملاك
القلب اللي بيعمل بلوك محال يفك ثانيه البلاك

اهلا اهلا بالفراق
قاعد كده ف الإنتظار
مكنش يومك يااشتياق
زي قتيل مضروب بنار

مرحب مرحب بالبعاد
صاحي بحلم بالميعاد
أطهر قلبي م الفساد
أنقذ روحي من الدمار