البالطو الأبيض سلاح الطبيب بقلم /أحمد مقلد

البالطو الأبيض قصيدة حب وعرفان للجيش الأبيض

أنا التعبان من سهر الليل الطويل
وأنا الموجوع بألم الوطن
ولما زاد الألم قولت نعم
ومين غيري يقول نعم
أنا اللي كنت وبقيت على أرضها
أشوف المريض وأحدد موضوع المرض
لكن اليوم مين يقول ده عجب
فيروس عجيب له فعل قاتل أجير
وأنا اللي واقف بادافع وأنا المدافع
لأني أنا الطبيب
و معايا طقم تمريض من غيرهم ما يتم العلاج
لكن يا وطن أنت الغالي أكيد وأنت السكن
وأنا بأقول بأعلي صوت
أنا أبن الوطن ومكاني هنا في قلب الحدث
وما تخافوش ولا تهابوا الآلم
غيرنا كثير ماتوا لكن إحنا النموذج في الصمود
وإحنا اللي بندي المثل
ولو جه الموت وماله ما هو ليه ألف شكل ولون
لكن بإذن الله تعدي
ويكون الليل الطويل
أخره نهار طويل ويكون العلاج من هنا
واقول لكم أنتم شعب أصيل وأنا منكم
وأنا الطبيب بالبالطو واقف هنا
وأدعو لنا عشان نكون معاكم نحتفل يوم القضاء الأكيد
علي العدو الوحيد وهو المرض
وما يرهبكوش فيروس ضعيف
أنتم أقوى يا اهل الوطن وجيران السكن