الحب عذاب .. بقلم: حمادة العسكري
بعترف إن الحياه قبلك غريبه
إنتي زي فرحه جاتلي بعد غيبه
زي الملايكه قلبك أبيض كله طيبه
رغم كل حاجه حلوه لقيتها فيكي
بنسحب من حكاية حبي ليكي
مش هخسرك هتفضلي مني قريبه
هنرجع أصحاب
ولا كلمة حب هقولها ولا إحساسي يزيد
وعد تشوفي واحد تاني غيري أنا حد جديد
لا بيحلم بيكي ولا مستني كلام يتقال
الحب عذاب
الأفضل نرجع زي ماكنا الفرق كبير
شهاده لله ماشوفتش منك إلا الخير
بدعيلك أنا بالهنا دايما وراحة البال
وهمت روحي كتير وقولت جواها شعور
وفضلت كتير مستني شعورك يطلع للنور
آتاري مفيش شعور بالحب كنت أنا موهوم
أنا مهما بقرب من قلبك برضه قلبي بعيد
ملكيش ذنب إنتي دي حاجات طبعا مش بالإيد
الإحساس لو مش من طرفين صعب إنه يدوم
هنرجع أصحاب
ولا كلمة حب هقولها ولا إحساسي يزيد
وعد تشوفي واحد تاني غيري أنا حد جديد
لا بيحلم بيكي ولا مستني كلام يتقال
الحب عذاب
الأفضل نرجع زي ماكنا الفرق كبير
شهاده لله ماشوفتش منك إلا الخير
بدعيلك أنا بالهنا دايما وراحة البال
