طارق الشناوي ينتقد قرار منع البلوجرز من دخول مجال التمثيل

كتبت / مادونا عادل عدلي 

قال الناقد الفني طارق الشناوي وتحدث عن قرار نقيب المهن التمثيلية الدكتور أشرف زكي بمنع البلوجرز من دخول مجال التمثيل، حيث أنه أكد أن هذا القرار يتعارض مع منطق الفن وروحه، ويخالف مبدأ تكافؤ الفرص والعدالة الإبداعية.

وقال طارق الشناوي، خلال لقائه في برنامج “مساء الياسمين” على قناة الشمس: “شايف إن القرار ضد المنطق والعدالة.. منة شلبي وهي عندها 17 سنة ماكنتش بتعرف تمثل، لكن المخرج الكبير رضوان الكاشف علمها التمثيل في فيلم الساحر، دلوقتي بقت ممثلة قديرة وعندها رصيد كبير، لو طبقنا نفس المعيار ده، منة ماكنتش اشتغلت ولا حتى سعاد حسني”.

وإستكمل طارق الشناوي: “المعيار الوحيد المفروض يكون هو الموهبة.. الجمهور هو اللي بيحكم، وهو اللي يقرر ينجح أو يفشل أي فنان.. اديله فرصة، لو فشل، الجمهور هيرفضه بنفسه”.

حيث أشار إلى أن كثيرا من نجوم الكوميديا لم يتخرجوا في معاهد فنية، قائلا: «معظم نجوم الكوميديا زي عادل إمام وسمير غانم خريجين كلية زراعة مش ضروري تبقى خريج معهد فنون علشان تبقى ممثل».

ويذكر أن كان قد أكد أشرف زكي أكد رفضه مشاركة «البلوجرز» و«التيكتوكرز» في الأعمال الفنية، مشيرا إلى فرض غرامة مليون جنيه على أي منتج يقرر مشاركتهم في عمل، قائلًا في لقاء تليفزيوني:

“إحنا مروحناش درسنا وإدينا عمرنا للمهنة عشان في الآخر نسيبها لمشاهير التيك توك.. لأ حد ييجي يقعد مكاني، أنا بدافع عن المهنة.. لن تكون مهنة من لا مهنة له، منبقاش مستلمين مصر هوليوود الشرق ونفرط فيها، إحنا مصر أم كلثوم وعبدالحليم وعبدالوهاب.. مصر فاتن حمامة وشادية وأحمد زكي وعادل إمام ومحمود عبدالعزيز وعظماء مش عشان ناس طلعوا على التيك توك عايز تجيبهم في فيلم.. هتدفع غرامة مليون جنية”