الروائية نوران فتحي في حوار مثمر لـ جريدة عالم النجوم
حوار/ عمرو صادق السخاوي
من رحم المعاناة يولد الكبار، ومن قلب الأحداث تتوهج المواهب
نوران فتحي في حوار خاص جداً لـ جريدة عالم النجوم مع الكاتب والسيناريست عمرو صادق السخاوي
مَن هي نوران فتحي؟
نوران فتحي ٢٤ سنة ..بحب الكتابة من وانا صغيرة .. كان بدأ معايا الموضوع ان كنت بكتب ” مُذكرات” كان كلام مش مترتب وخط مش مفهوم .. بس كنت بكتب اي حاجة حساها مضيقاني .. كبرت شوية كنت بعمل دا بنضج اكتر كنت مستوعبة بكتب ايه .. ك شعور خاص برده .. بدأت كتابه فعليه لما ابتديت اقرأ كتير وافهم اكتر وكان دا في ٢٠١٦ وتوالت الاعوام ودارست dbt (علاج جدل سلوكي) في ٢٠١٩ فهمت اكتر في علم النفس.. ومن هنا بدأت نوران فتحي المشوار وقررت مكتبش بس انا حاسه بأيه قررت ان احس بالي حواليا واكتب هما كمان حاسين بأيه ومش قادرين يعبروا عنه .. وكان بدايه دا ” كَايِب”
روايتك الأولى “كايب” حققت نجاح كبير كنت أتابعه شخصياً، فما معنى “كايب”؟ وما الرسالة التي ناقشتيها في روايتك؟
“كَايِب” هي حققت نجاح انا نفسي متوقعتوش .. لان كان اول عمل ولسه اللي يعرفوني مش عدد كبير اوي بس ربنا كريم .. معني “كَايِب”
الفقد باللغه التركيه ” kayıp “
كانت بتناقش الفقد بس اسوأ انواع الفقد .. الا وهو ” الموت ” كانوا قصتين مختلفين وحدثوا بالفعل مدموج بيها بعض الخيال .
العناوين الغريبة ظهرت في روايتك الأولى وحتى الثانية التي قمتِ بالإعلان عنها “ڤيراد”، فما معنى ڤيراد أيضاً؟
“ڤيراد” بمعنى الخيانة/الغدر .. باللغه الهولاندية ” Verraad “
بناقش فيها خيانة بس دايًما متعودين ان الراجل بيخون ودا السائد المرادي حصل العكس وللاسف يعني برده قصة حدثت بالفعل .. والقصة التانية المدموجه عن بنت حصل معاها تشتت عاطفي بين ماضي وحاضر
ما هي رؤيتك لمعرض الكتاب القادم خاصة مع ارتفاع سعر الورق؟
مش عاوزة اضحك عليك قلقانة شوية.. وطلبت يعني ان سعر روايتي ميكنش عالي زي السنه اللي فاتت واتمنى يحصل فعلًا .. بالنسبة لـ النجاحات اتمنى برده لان غالبًا الكل قلقان وانا اولهم
ما رأيك في دور النشر الموجودة على الساحة الأدبية في الوقت الحالي؟
كل دار نشر ولها مميزاتها وعيوبها.. فقط عليك الإختيار.
رسالة خاصة من نوران فتحي للروائيين الجدد؟
رسالتي الخاصة .. ان ميسبوش نفسهم للأحباط ولو أول عمل منجحش مش اخر الدنيا .. مش دايمًا اول عمل بينجح .. انا شخصيًا مكنتش حاسه ان برفيكت في “كَايِب ” وكنت بسمع عادي جدًا احسن ايه وحاولت فعلًا اعمل دا في “ڤيراد” يحولو الكلام السلبي لنقطه انطلاقه مش حاجه تهدهم .. واتمنى ليهم النجاح الدائم واتمنى من اول سلمه يلمعوا
كلمة أخيرة لمتابعينك عبر عالم النجوم؟
انا بحب كل اللي متابعيني وكلهم ليهم معزة خاصة في قلبي وبحترمهم جدًا واولهم انت والله
يا عمرو .. فكل الحب والامتنان ليهم واتمنى اكون عند حسن ظنهم بال احسن في العمل الجاي
