بقول بخير وأنا مش بخير .. بقلم: حمادة العسكري
بقول بخير وأنا مش بخير
جوه مني هموم كتير
تعبت من كتر التفكير
وصبري طال
كل يوم إحساس بيدبل
غصب عني أرضى وأقبل
جوه مني حمل أتقل
م الجبال
أنا ماشي عكس الإتجاه
دليلي إحتار وضاع وتاه
بتقلي رغبتي في الحياه
يوم بعد يوم
أنا ماضي مع الأحزان عقود
والفرقه والخذلان بنود
أكتر واحد شاف جحود
وبات مصدوم
مابقاش في حد فيه ضمير
ولا حد بيفتكرلي خير
أنا شوفت م الأيام كتير
على حالي مغلوب
شكرا يا دنيا على اللي راح
مابقاش في قلبي مكان لجراح
تعبت نفسي بجد أرتاح
لو لحظه يادوب
أنا ماشي عكس الإتجاه
دليلي إحتار وضاع وتاه
بتقل رغبتي في الحياه
يوم بعد يوم
أنا ماضي مع الأحزان عقود
والفرقه والخذلان بنود
أكتر واحد شاف جحود
وبات مصدوم
