الفنان تامر مجدي لـ جمهوره.. “الحب حماية مش ترهيب والله اعلم باللي جواه من ناحيتها”
كتبت/ مادونا عادل عدلي
عقب الحادث المروع الذي انتشر عبر مواقع التواصل الاجتماعي اليوم وصور وفيديوهات الجريمة التي حدثت في المنصورة وهي قتل وذبح الفتاة الجامعية نيرة اشرف على يد طالب أمام بوابة الجامعة
حيث نشر الفنان تامر مجدي عبر حسابه الشخصي على موقع التواصل الاجتماعي فيسبوك وكتب
عمر الحب ما كان دافع للقتل ..مهما وصلت لقمة الحب وجنون العشق ده يوصل للقتل ابدا ..قريت بوستات كتير أن القاتل كان بيحب بنت المنصورة لدرجة الجنون وميقدرش يعيش من غيرها وده كان دافع له أنه يقتلها !!
الحب أعظم رسالة لتواصل المشاعر المتبادلة بين المخلوقات زرعها ربنا جوانا وتكون جزء ممتع في حياتنا ويهون علينا مصاعب الحياة …الحب خوف على الطرف الآخر مش أذيته ..الحب حماية مش ترهيب.
الحب حياة مش موت ونهاية بالقتل… الي بيحب حد بجد يحب يشوفه دايما بخير وسعيد حتي لو مش معاه المهم أنه يكون مطمن وقدام عنيه حتي لو من بعيد
واختتم حديثه قائلًا… “الله اعلم ب اللي جواه من ناحيتها ..بس ده مستحيل يكون حب ..ده حقد وغل وانتقام …الله يرحمها ويصبر قلب أهلها …الخبر مقبض ومرعب ويحزن القلب وربنا ينتقم منه ويكون عبره للعالم كله
