الفنان جاد شويري يثير الجدل بإرتداءه الحلق معلقا: ده مش هيقلل من رجولتي
حل الفنان اللبناني جاد شويري، ضيفا على برنامج «حبر سري» من تقديم الإعلامية أسما إبراهيم، والذي يذاع على شاشة «القاهرة والناس» وخلال الحلقة أدلى بكثير من التصريحات المثيرة للجدل عن حياته الشخصية والفنية .
أكد الفنان اللبناني جاد شويري، أنه لم يقدم كليبات جريئة فقط وآخر 10 سنوات قدم أعمال مع النجوم وديع الصافي وجورج وسوف ونوال الزغبي وكارول سماحة ومايا دياب، مشيرا إلى أنه قد تكون كليباته مع مايا دياب مثيرة لبعض الجدل، وأوضح أن إثارة الجدل أحيانا تكون بناءة.
وأشار جاد شويري، إلى رفضه انتقاد ارتداء الرجال حلق في أذنهم، قائلا: «ده مش هيقلل من رجولتي والشخص أنه يلبس حلق أو يحط تاتو وحسيت الموضوع بقى سخيف والمجتمع بيكبر الموضوع وفي حاجات مهمة اكتر».
وتابع: «الفن اللي بقدمه مش قصير ومش كل واحد عمل أغنية أمام فنان لازم تقعد سنين طويلة وأنا عملت فن خفيف وعملت مع وديع الصافي وجورج وسوف وبتحول مع الفنان اللي بشتغل معاه بالكلام واللحن والاخراج ومعنديش ندم مع أي حد اشتغلت معاه».
أكد الفنان جاد شويري، عدم ندمه على العمل مع أي شخص خلال مسيرته الفنية، قائلا: «لم أندم على أي حد اشتغلت معاه والناس اللي اختفوا في شغلي أنا كنت مخرج وفي اسماء استعراضيات اختفوا ودلوقتي ببص للحاجات اللي بعملها بطريقة تانية».
وأوضح جاد شويري، أن ما قدمه قبل ذلك الان حدث اشياء متطورة عنه في السوشيال ميديا والتيك توك، مضيفا: «لو اتعرض عليا كليب من اللي كنت بقدمها زمان مش هعملها الان ولم أقدم كليبات مبتذلة واللي مضياق مكنش يشوفها وبعمل اللي في مزاجي».
واستكمل: «برامج المسابقات لاكتشاف المواهب تسلية ولكن لا تقلل من الفن وأنا اتشهرت منها وهي تسلية حاجة كويسة وليه دائما نفتكر أن التسلية حاجة وحشة ولكن أنا ضد شهرة الاطفال من هذه البرامج وده هيؤثر عليهم نفسيا».
جاد شوير: مشاهد «القبلات» مش هتبوظ فكر الأطفال زي مشاهد الذبح بلبنان وغزة
قال الفنان جاد شويري، إن مشاهد القبلات تعبر عن حب ونشوفها في كل السينمات والمصرية أولها وأيضا العربية والأجنبية، قائلا: «ده مش هيبوظ فكر ووجدان الأطفال زي ما بيشوف كل يوم في قطاع غزة أولاد تذبح».
وأضاف أن أولادهم الصغار في العائلة يمنعهم من الكلام في الحرب ومشاهدة القتل والدمار، متابعا: «العيال نمنعهم عن الحرب في لبنان وده المرض الحقيقي وأنا شايف القبلة تعبير حب وبعيد عن العنف والقذارة اللي بنشوفها يوميا».
وتابع: «أنا ضد الطفل يكون موجود على السوشيال ميديا قبل فترة وسن معينة وممكن الأم تحجب حاجات معينة وممكن الأم تحجب العنف قبل البوسة والطفل هيفزع من مشهد انسان يذبح انسان وده اللي نحاربه مش فن وافلام».
