بالفيديو.. المتهم كان بيعاشر الحيوانات.. والد الطفلة المغتصبة يحكي كواليس إغتصابها

متابعة: تامر عادل

قال السيد أشرف والد الطفلة «سجدة»، التي راحت ضحية مُسِن استدرجها لمنزله واغتصبها ثم قتلها لإخفاء جريمته، إن المتهم جار جدها وصديقه، مشيرًا إلى أنه ارتكب فعلته وخرج يبحث عنها معهم.

وأضاف والد الطفلة الضحية لـ الإعلامي محمد الغيطي ، عبر برنامجه الثامنة مساء والذي يذاع علي قناة Hbc الصحة والجمال سابقا، “احنا من المنصورة وزوجتي راحت تزور أهلها في قرية الثمانين التابعة لمركز الحامول في كفر الشيخ ومعها ابنتى الوحيدة سجدة، 4 سنوات، ويوم 31 يوليو بنتى خرجت تشترى مصاصة من محل جنب بيت جدها لكن للأسف كانت صاحبة المحل مش موجوده، وفجأة اختفت وفوجئت باتصال من أخوالها وأنا في المحل بتاعى بالمنصورة بيقولولي تعالى علشان سجدة اختفت وبندور عليها، طبعا سافرت من الدقهلية الي كفر الشيخ، وروحت البلد عندهم، وقعدنا نبحث عنها، وأبلغنا الشرطة، ولكن للأسف لم نجدها، وبعد 18 ساعة عثرنا على جثتها في مدخل بيت مجاور لمنزل جدها مغطاة بشيكارة، وبدون ملابس، ودماغها فيها إصابة، طبعا انهارنا، وكنا مش عارفين نعمل إيه، وجاءت المباحث وبدأت تحقق في الواقعة”.

وتابع والد “سجدة” المجني عليها : “فوجئنا بعد كده ان الطبيب الشرعى قال ان البنت في آثار اغتصاب من الخلف لها وآثار اعتداء والكارثة إن اللى عمل كده جار جدها وصديقه وهو رجل مسن يقترب من الستين، هو اللى خطفها واغتصبها وقتلها، وكان قاعد بيدور معانا عليها.. منه لله ربنا يحرق قلبه زى ما حرق قلوبنا على بنتى الوحيدة”.

وأشار الأب: الي ان المتهم اعترف إنه استدرج البنت لما راحت المحل تشترى المصاصة، وقالها تعالى أجيب حاجة حلوة من عندى وأخدها على السطح وقلعها هدومها واغتصبها وهو كاتم أنفاسها لحد ما ماتت في إيده، والمجرمة زوجة ابنه شافت اللى حصل وساعدته على إخفاء الجريمة، وأعطت للبنت حقنة لمنع النزيف، وهى أصلا كانت ماتت، واعترفت إنها نزلتها شقتها وأخدت حلقها ونامت على سرير معها في الحجرة لحد الفجر علشان يرموا البنت ونلاقيها وتخفى آثار الجريمة بتاعتهم”.

وانهار الأب قائلًا: ” المتهم خلال التحقيقات اكد انه اغتصب اكثر من طفلة وطفل وكان يقوم بمعاشرة الحيوانات”.