بسنت محمود تكشف عن اجوائها الرمضانية وما افتقدته في رمضان

 

إعداد وحوار / دعاء نصر

بسنت محمود خريجة كلية العلوم جامعة المنصورة قسم كيمياء. حصلت على العديد من الكورسات المتخصصة في الاعداد والتصوير والسيناريو والحوار ، من معهد الإذاعة والتليفزيون. واشتغلت في العديد من البرامج مثل بكرة وبعدة وسباق الزهور والقراءة للجميع ومعاني الاسامي وغيرهم ، رئيسة تحرير برنامج ست الستات وبرنامج صنع في مصر بقناة الدلتا .

ما الأجواء الخاصة والطقوس التي تداومي عليها في شهر رمضان الكريم؟

الطقوس التي تداوم عليها في شهر رمضان اول يوم الافطار لازم يكون في بيت العيله عند امي انا واخواتي ومعظم الوقت في المطبخ اذا ما كانش عندي شغل زينة رمضان لازم تتعلق كل سنة

ايه الشئ اللي كنتي بتحبيه في رمضان زمان افتقدته في رمضان دلوقتي ؟

أما الشيء الذي تفتقده في رمضان هو اجدادي اللي رحلو عن عالمنا وافتقدنا لمة العيله الكبيرة

إيه أكتر أكلة بتحبي تاكلها من وأنتي صغيرة أول يوم رمضان ؟ واكتر اكلة بالنسبالك بتميز رمضان ؟

المحشي والرومي والبط لازم اول يوم رمضان اكيد. والاكله اللي بتميز شهر رمضان هو المحشي برضه خصوصا ورق العنب والكرنب والحلو كنافة

أكتر حاجة في التليفزيون كانت بتحسسك أن رمضان لما بتتفرجي عليها ؟ وايه رأيك في اللي بيتقدم في رمضان دلوقتي ؟

فوازير رمضان وصوت النقشبندي والشيخ محمد رفعت اكتر حاجه بتحسسني برمضان وبالنسبه للي بيتقدم في التليفزيون دلوقتى مش عاجبني خالص ومش بتابع غير مسلسل عادل امام

بسنت محمود تفتكري هيكون في تراويح ولمة العيلة السنة دى ولا الوضع اللى احنا في بسبب كورونا هيستمر ؟

اتمنى يكون الحظر اتفك والتراويح ترجع ونقضي رمضان واحنا في احسن حال لكن اعتقد الواقع بيقول ان الوضع هيستمر في رمضان ربنا كبير وقادر يزيح الغمة

تحبي تقولي أيه لمحبينك وللشعب المصري بمناسبة قدوم شهر رمضان؟

احب اقول لكل الناس كل سنه وانتو طيبين وسواء الحظر هيستمر في رمضان أو لأ مفيش حاجه تمنعنا أننا نعيش مظاهر الشهر الكريم مع اولادنا وداخل بيوتنا نعلق الزينة ونصلي التراويح مع اولادنا وازواجنا وندعي ربنا كتير انه يعافينا ويزيح الغمه وكل عام وانتم جميعا بخير وطيبين و شكرا ليكم لانكم افتكرتونى