أفلام ومسلسلاتعاجلعالم الفن

تامر حسني ل حلا شيحة “مش أنا خالص اللي أوعد وأخلف”

تامر حسني ل حلا شيحة “مش أنا خالص اللي أوعد وأخلف”

 

تامر حسني لحلا شيحة "مش أنا خالص اللي أوعد وأخلف"
تامر حسني

سيطرت حالة من الدهشة على نجم الجيل “تامر حسني” بعد تصريحات الفنانة “حلا شيحة” الأخيرة عبر موقعها الرسمي “إنستجرام”، فؤجي بهذه التصريحات ورد عبر حسابه الرسمي بموقع”إنستجرام”

قائلًا: “أولاً أنا عمري ما وعدتك إن الكليب مش هينزل دا محصلش اصلاً يا حلا مش أنا خالص اللي أوعد وأخلف….. الحقيقه اني احترمت كلامي معاكي ووعدتك أشيل مشاهد تانية طلبتيها و شيلتها بالفعل وشكرتيني عليها ولو حابه تفتكري المشاهد اللي اتشالت بعد اذنك روحي شوفيها في المونتاچ عند الأستاذ عمرو عاكف او كلميه يبعتهالك كلها موجوده.

وتابع قائلًا: ” بعدين الفيلم بقاله ٣ اسابيع في السينمات و الكليب موجود جوه الفيلم هو بالنسبالك الحرام إننا ننزل الكليب على اليوتيوب بس !! إنما الكليب يتشاف جوه السينمات عادي، منطق غريب فعلاً يا حلا ، وبعدين هو مش انتي اللي مضيت عقد وتقاضيتي عليه مبلغ كبير عشان الدور دا بعينه ، هو مش انتي اللي صورتيه و مثلتيه بنفسك وبمنتهى الرضا ولاّ حد أجبرك.

كما أضاف: “للتوضيح للجمهور الكريم أنا و المخرجه الأستاذه ساره وفيق بعتنالك وكنا نتحايل عليكي تيجي تشوفي شغلك قبل إصدار الفيلم عشان لو عندك أي ملاحظة تقوليها ، ماكنتش بتردي علينا وتليفوناتك كلها كانت بتقفل في وشنا ،، إنتي للأسف يا حلا متعاملتش صح مع الموقف كان لازم تهتمي بأمرك أكتر من كدا ولو كان ليكي أي طلب تاني كنت هعمله بكل حب إنما أنتي فجأة اختفيتي ومكملتيش تركيب صوتك في الفيلم.

وأختتم كلماته: “أنا زعلان منك جداً يا حلا على مفردات البوست بتاعك الغير موفقه ومستحيل هرد بطريقتك اللي فيها تجريح واتهامات باطله ليا إحتراماً حاجات كتير يمكن فايتاكي بس مش هتفوتني وعلى فكره انا واثق انك عارفه اني مستاهلش منك كدا وهكتفي بالتوضيح دا وربنا يهدي الجميع ويكتبلك كل الخير اللهم آمين”.

ويذكر أن فيلم “مش أنا” حقق نجاحًا كبيرًا من أثناء عرضه حتى الأن، العمل فكرة سيناريو حوار وبطولة تامر حسني، حلا شيحة، ماجد الكدواني، سوسن بدر، حجاج عبدالعظيم، بجانب عدد من ضيوف الشرف عصام السقا، محمد عبدالرحمن وإياد نصار وإخراج سارة وفيق.

ونشر عدد كبير من النجوم تهنئة لنجم الجيل على نجاح العمل وسيطرت أغنية فيلم مش أنا “مش تمثال” على مواقع التواصل الاجتماعي وقناة اليوتيوب

مقالات ذات صلة

زر الذهاب إلى الأعلى
هذا النص خاضع لحقوق الملكية
إغلاق