أخبار النادي الأهلي .. اليوم الخميس 6 فبراير
كتب / محمد فاروق
المارد الأحمر على موعد في السابعة مساءً مع بتروجيت في إطار منافسات دوري نايل
الشناوى يعود لحراسة مرمى النادي الأهلي الليله
جراديشار يقود الهجوم .. عودة خالد عبد الفتاح
استمرار غياب وسام وطاهر… واستبعاد عمر كمال للإصابة
كما انفردنا هنا منذ أيام الكينج على معلول يقيد بقائمة النادي الأهلي محلياً وقارياً 
فرحة معظم جمهور الأهلي بالتجديد لـ علي معلول ، فرحة بتقول اننا بنقدر كويس أوي اللاعب الراجل اللي عمره ما بخل بنقطة عرق واحده ، اللي دايمًا عارف قيمة التيشرت اللي لابسه ، اللاعب الوفي اللي صان ورفض بدل العرض 10 باضعاف اللي بياخده مع الأهلي ، اوعى تفكر إن ده كله ملوش تقدير عند جمهور الأهلي ، ابن النادي مش كلمة بتتقال على اللاعب اللي طالع من قطاع الناشئين وبس، ابن النادي هو الوصف الأمثل لـ علي معلول ، تريكة الجيل الحالي لسه مكمل في الجزيرة ، ولسه القصة العظيمة مستمرة.
علي معلول: بكون مبسوط لما بشوف جماهير الاهلي مبسوطة، ولما بخرج الشارع وشوف الناس مبسوطة دا بالنسبالي اهم من اي حاجه، شوفت كمية حب من جماهير الاهلي مشوفتهاش قبل كدا، ولما بغلط في ماتش بلاقي تشجيع وحب وكلام بيطلع من القلب ودا مبيحصلش كتير من اي لاعب ودا بيخلني فرحان اني جزء منهم.
علي معلول:
اللي عمله معايا كابتن محمود الخطيب هفضل افتكره طول حياتي، انا اتصابت وكان اخر شهر في عقدي ومرضيش يسيبني وجدد تعاقدي.
علي معلول : كابتن محمد رمضان طلبني النهاردة في مكتبة قالي يا علي لو كملت في الفرقة وملعبتش هتعمل مشاكل في الفرقة ، قلت له لأ طبعًا اعمل مشاكل ليه انا تحت أمر الجهاز الفني في اي وقت ، رد قالي تمام يا علي انت معانا لمدة 6 شهور كمان.
معلول: انا مكمل في الملعب مع الاهلي لـ 6 شهور رسمي وسنتين كمان ان شاء الله دا وعد مني للجمهور وبعد الملعب مكمل مع الأهلي في أي مكان اخدم فيه النادي.
علي معلول:
شرف ليا اني لبست شارة قيادة النادي الأهلي وكان يوم مميز ليا واليوم ده عمري ما انساه، اللي الجماهير عملته في المدرج اليوم ده خلاني احس اني في عالم تاني وحتى لما رجعت البيت مكنتش مصدق اللي حصل من الفرحة اللي شفتها في عيون الناس والفرحة اللي شفتها في المدرج حاجة تخليني اعتز بوجودي في النادي الأهلي.
قيمه اللى عمله الاهلى مع معلول هيبقى له تاثير لسنين طويله على لعيبه الاهلى. اللعيب هيحس بالامان وهيفكر ١٠٠ مره قبل مايمشى وفى لعيبه ممكن تضحى بعقود كبيره جايلها علشان عرفوا ان الاهلى بيقف جنب لعيبته فى محنتهم. انا عارف ان ده ممكن يتعارض مع فكرة الاحترافيه بس احنا اساسا الموضوع اغلب الجماهير عايزه تطبقه من ناحيه واحده بس وده مش عدل. فاحنا مش مطبقين الاحترافيه بمعناها الحرفى ومش منطقى نيجى عند معلول ونطبقه يعنى.
الاهلى دعم كويس فى انتقالات الشتا حتى لو معلول مرجعش لمستواه لاقدر الله. فى غيره اللى يقدر يعوضه.
بعد قيد على معلول الاهلى أكمل عدد اللاعبين الأجانب المسموح له لإكتمال العدد 5 أجانب ….
على معلول
جراديشار
يحيى عطيه الله
اشرف دارى
أشرف بن شرقى
————————-
ولدينا على ذمة النادي
رضا سليم..
رفع من القائمه لإصابته
أليو ديانج..
إعاره لأخر الموسم.
بدأ علي معلول رحلته مع الأهلي في 𝟐𝟓 يوليو 𝟐𝟎𝟏𝟔 قادمًا من صفوف فريق الصفاقسي التونسي و أصبح واحدًا من أساطير الأهلي و حظي بقاعدة جماهيرية كبيرة من مشجعي القلعة الحمراء.
و خاض معلول مع النادي الأهلي 𝟐𝟖𝟔 مباراة في مختلف البطولات منذ التعاقد معه في يوليو 𝟐𝟎𝟏𝟔
نجح علولو في إحراز 𝟓𝟏 هدفًا و صناعة 𝟖𝟑 كأعلى معدل للاعب أجنبي ارتدى فانلة الأهلي أو أي نادٍ آخر كما أصبح علي معلول ثاني أكثر لاعب قدّم مساعدات تهديفية في تاريخ القلعة الحمراء بعد المجري مصطفي عبده.
إحصائيات و أرقام علي معلول مع الأهلي
الدوري المصري 
𝟏𝟔𝟐 مباراة 𝟑𝟓 هدف 𝟒𝟒 أسيست
كأس مصر 𝟏𝟕 مباراة 𝟐 هدف 𝟔 أسيست
كأس السوبر المصري 𝟖 مباراة 𝟏 هدف 𝟑 أسيست
دوري أبطال إفريقيا 𝟖𝟎 مباراة 𝟗 هدف 𝟐𝟔 أسيست
كأس السوبر الإفريقي 𝟒 مباراة 𝟏 هدف 𝟎 أسيست
كأس العالم للأندية 𝟏𝟐 مباراة 𝟑 هدف 𝟑 أسيست
دوري السوبر الإفريقي 𝟑 مباراة 𝟎 هدف 𝟏 أسيست
كما حصد علي معلول علي 𝟐𝟏 بطولة مع الأهلي وهي 
دوري عام 𝟔 بطولات
كاس مصر 𝟒 بطولات
سوبر مصري 𝟓 بطولات
دوري أبطال إفريقيا 𝟒 بطولات
سوبر إفريقي بطولتين
برونزيه كأس العالم 𝟑
إمام عاشور عبر إنستجرام: يا هنانا يا سعدنا، علي معلول عندنا.
عمرو السولية عبر صفحتة
عودة الملك علولو
محمد الشناوي: الحمدلله، معلول سمع خبر حلو النهاردة، انا كنت عارف الخبر من بدري وانا اكتر واحد كنت سعيد انه موجود مع فرقته، انا وعلي دخلنا النادي مع بعض من 9 سنين ومينفعش علي كان يخرج بشكل مش كويس من الأهلي ، علي يستحق يكون موجود لان الجيل دا عمل كتير.
كريم فؤاد:
علي معلول كان بيتمرن مرتين في مدينة نصر ويرجع يتمرن في النادي وكان بيعمل مجهود جبار عشان يرجع كويس وانا متأكد ان ربنا مش هيضيع تعبه ده وهيرجع اسرع دليفري في مصر.
