حافظوا على بعض قبل فوات الأوان … بقلم : نيفين نصار
في يوم زعلت حد غالي عليا وسبته يهدي شويه.
فسألني بلوم : “هنت عليك تسبني زعلان؟
رديت عليه اني قصدت أسيبك لما تهدي ونبقى نتكلم،
فرد بجملة عمري ما هنساها قال؛
{لو خايف على البيت النار تأكله لازم تطفيها وهى مولعة ماتسيبهاش تهدى لوحدها، لو هديت لوحدها هتكون خلاص أكلت كل حاجة }
العبرة ان نار الغضب والخذلان لما بيطفيها الوقت والتعود بتاكل كل المواقف الحلوة،
والذكريات الجميلة وهي جزء من العلاقات مبيرجعش تاني أبدا !
” فالاوان” هو كلمة السر في العلاقات.
عشان كده قالوا كل شىء بأوان
وقالوا كمان فات الأوان!
الأوان هو الوقت الذهبي لكل حاجة
واللعبة كلها انك تعرف الالوان ده امتي بالظبط
