حلال عليك … بقلم الشاعرة: نور حجازي
مين طفى مين ؟
مين اللي كات بتنورك
لحظة ماشوف قلبك حزين
مين اللي باعت عمرها
علشان تشوفك جنبها فرحك يفرح قلبها
لو حزنها قد اللي فات من عمرها
عمرك مايوم عليا هونت
أنا كنت لك أمك وأخت
لو يوم مشاعرك تتوجع
قلبي الجدع كان لك يضم
وعليك مشاعري بتتفزع
كنت الحنان اللي بيحضن غربتك
كنت الأمان وقت الزمن مايهددك
كنت الدفا اللي بيعشق فرشتك
إيه اللي غير نظرتك
ما أنا كنت كونك وكنت كُل دنيتك
خلاص عِليت
مابقاش مقامي بتاع زمان يليق عليك
حلوه الفرس من غير لجام
قدرت بنظره وابتسام
تسرق مشاعرك اللي كانت يوم حُطام
دأنا كنت لك بلسم وشاش
طبيب يداوي كل جرحك والألام
مابقاش خلاص قلبي حنانه يشبعك
وقِدرت تدبح قلب عمره ماجرحك
خد اللي موصول شعرها
مكياچ مغرق وشها
أما البلوزه من حرير
شباك وخارج أيوه منه جوز حمام عمال يطير
والچيب يادوب
كاشف ماساتر للعيوب
بقى هو ده حلمك يامان
قلبي الوفي ضحى بحياته للي خان
نورها خلاص زغلل عنيك
عِشقت عِنيك طعم الحرام
حلال عليك
عيش اللي باقي من حياتك
جوه نارها وانكوي
وان يوم ماشاعرك شدتك لحنين قديم
قول للي باع عِشرة سنين
فرع الشجر لما يميل
قطعه ساعتها يكون حلال
