حلا شيحة عن مشهد جنازة سمير غانم: مشهد محتاج وقفة طويلة مع النفس
نشرت الفنانة حلا شيحة، صورة من جنازة الفنان الراحل سمير غانم عبر حسابها الرسمي انستجرام.
وقالت الفنانة حلال شيحة، :«مشهد محتاج لحظات للتأمل ووقفة طويلة مع النفس كل ما تحصل حالة وفاة من قريب أو بعيد بلاقي نفسي جوا المشهد وبتخيل اللحظة دي لانها مفيش مفر منها حتيجي فجأة أو بعد مرض المهم انها جاية وكلنا حنمر بيها».
و كما أضافت :«بفكر ياتري هل انا مستعدة للحظة دي ؟! مستعدة لاستقبال عالم تاني !؟ مستعدة اقابل رب العالمين ؟! مشهد مرعب اكن الامتحان خلص خلاص ومستنية النتيجة، كل يوم بيموت من حبايبنا واقرب الناس لينا كلنا بنحضر الدفن والعزا طب وبعد كدة ايه! منا اللي بيكمل عادي زي ما كان ومنا اللي مش عايز يركز في اللحظة دي ومنا اللي بيفكر شوية وخلاص بعدها بينسي ومنا اللي مش حيعدي عليه المشهد ده كدة وخلاص».
و كما تابعت :«انا بسأل نفسي ياتري احنا بنفني عمرنا في ايه وفي مثل مشهور بيقول (العمر مش بعزءة ) مركزين بس في نجاحاتنا وامالنا ومراكزنا، في مشاكلنا ومطحونين في دوامة عمرها ما حتخلص ،ياتري ربنا في حياتنا فعلا ؟!».
و كما قالت :«مش عارفة اعدي المشهد ده كدة وامبارح فضلت صاحية وصليت الفجر ومش عارفة انام بفكر في استاذ سمير غانم الجميل اللي كنت بتفرج عليه من صغري وقبله استاذ محمد الصغير وفكرت لو ده كان معادي حكون مستعدة؟! كلام صعب بس ده اللي جوايا».
