“دياب” يرد على منتقدي منى زكي .. “أهلي كلهم محجبات”
كتبت : مادونا عادل عدلي
عبر الفنان دياب عن غضبه بسبب منتقدي الفنانة منى زكي بسبب مسلسل تحت الوصاية وشكل حواجبها في العمل، وبجانب ذلك حديثه عن الحملة الممنهجة عليها بسبب وجودها في السباق الرمضاني 2023.
وقال دياب خلال ندوة له “حواجب ايه احنا بنهزر، أنا واحد أهلي كلهم محجبات مش بشوفهم طول النهار في الكوافير، ودي حملة ممنهجة على منى زكي وغيرة منها”
وتابع دياب: منى زكي ممثلة بتمثل دور وشخصية، ولكن ده مش الحقيقي، وبعد عرض المسلسل الأصوات دي خافتت تمامًا
وعلى جانب آخر، أوضح دياب عن الهجوم على المسلسل: أنا اطمنت أننا هننجح بعد الهجوم على المسلسل، أنا قلت هتشوفوا النجاح اللي هيحققه المسلسل، لأن ربنا عادل جدا، وأنا بحب آخد بالأسباب.
وإستكمل دياب: منى زكي وقع عليها ظلم لا يتحمله بشر، وأنا بحبها وقدرها عندي عالي، ولما حصل الانتقادات دي أنا كنت شايف إن ربنا بيشاور علينا، والناس اللي دفعت الفلوس علشان الحملة دي لو دفعوا الفلوس في حاجة مصلحة كانت هتبقى أحسن.
