أنس بيكاسو مصر… أصغر مدرب رسم بدرجة محترف في مصر والوطن العربي
حوار: نيفين نصار
أنس بيكاسو مصر أصغر رسام ومدرب للرسم بدرجة محترف.. حيث أنه يقوم بتدريب العديد على فن الرسم باحترافية عالية.. مع العلم بأنه له ستايل معين في الرسم غير الفنانين.
عرفنا بنفسك؟
أنس أحمد النمس.. الصف الثالث الإبتدائي. عمري ٨سنوات..
مدرسة ابن خلدون
أنس أصغر مدرب رسم في مصر
لقبه بيكاسو
بدايتك من امتى؟
بدأت من سن ٤ سنوات
من هو الذي اكتشفك اكتشفك؟
أنا ماما اللي اكتشفتني
مين مثلك الأعلى؟
مثلي الأعلى بابا
طموحك ايه؟
طموحي أكون مهندس ديكور أو فنان مشهور
ما اكتر حاجه بتحبها في الرسم؟
حاليا البورتريه أكتر حاجة بحب ارسمها
نميت موهبتك ازاي؟
_نميت موهبتي بنفسي عن طريق فيديوهات تعليمية على يوتيوب وبتدرب كتير وبعرف الأخطاء وبحاول اظبطها كل مرة ماما بتساعدنى وبابا بيوفرللي الأدوات اللي بحتاجها
مين بيشجعك وبيدعمك؟
_ ماما وبابا طبعا بيشجعني وأهلي كلهم فخورين بيا وبيدعموني
ومدرسيني ومدير مدرستي ومديرة إدارة الموهوبين أ/أماني طراف بتشجعنى دايما وواثقة فيا وفي موهبتي ووكيل وزارة التربية والتعليم بدمياط أ/عادل عثمان وكرمني بإني أصغر مدرب رسم بمصر.
ما هي أحب أنواع الأدوات اللي بتحب تستخدمها في الرسم؟
بأرسم بالفحم والرصاص والألوان لكن المفضل عندي الفحم
لما ماما وبابا بدؤا ينزلو رسوماتي بفيديوهات موثقة للرسمة من البداية للنهاية ع صفحتي الشخصية ودة لأن كتير شكك في موهبتي بدأت ألفت نظر ناس كتير وأولهم مديرة الموهوبين أ/أماني طراف وقالتلي تقدر تعلم الأطفال الرسم لايف وفعلا بدأت أعلمهم وزادت ثقتي بنفسي واشترك كتير معايا في الورش ومعظمهم أكبر مني في السن وحبو رسمي جدا وطريقتي ووكيل وزارة التربية والتعليم بدمياط أ/عادل عثمان كرمني وكمان علمتهم مباشر في مركز الموهوبين وحاليا احنا في الموسم الثاني للورش.
أصحابي في المدرسة بيحبوني جدا وانا بحبهم وفعلا بيطلبو مني أعلمهم وفي الوقت الفاضي بقعد أعلمهم وبنرسم سوا وأعرفهم الأخطاء وبيكون متحمسين جدا
ما هي المسابقات التي شاركت فيها وحققت مراكز فيها؟
اشتركت في مسابقة ملتقى كتابنا العرب وحصلت على المركز الأول بمسابقة مجلس الأمناء والأباء وحصلت على المركز الأول على مستوى الإدارة التعليمية بدمياط
وحصلت على المركز الثاني على مستوى المحافظة في مسابقة الموهوبين
وحصلت على المركز الأول ع المرحلة الإبتدائية لموهبة الرسم
وحصلت على المركز الأول في مسابقة رسالة شكر التابعة لإدارة الموهوبين
وحصلت على شهادة تقدير من اليونيسيف لجمال موهبتي وكتير طبعا من الجوائز التقديرية وتم نشر أعمالي بكتاب ورسم قصص للآطفال تم نشرها بمعرض الكتاب الدولي 2021
_بهتم برأي ماما وبابا وخالتي
_ما ما بتقسم وقتي يعني في الأجازة بيكون في أيام للرسم وأيام للمذاكرة لكن في الدراسة بنذاكر والوقت الفاضي بيكون للرسم والأكثر بيكون النشاطات المطلوبة مني بالمدرسة بنفذها عن طريق الرسم
يومي في المدرسة رائع جدا وزي اي طفل لكن أنا بحبها جدا لأن مدير مدرستي أ/محمد الهوارى بيحبني جدا ودايما يقولي الفنان اللي مشرفنا ويستقبلني في الطابور ويشجعني وكمان مدرسيني دايما يقوللي الفنان.
_ بتمنى أعرف أكتر عن الرسم والفن وان حد يفهمني وأحصل على منحة تزيديني في طريقي اللي بتمنى أكمله وأوصل بيه للعالمية
والدة أنس تحدثت عن ما قام به أنس في جميع المناسبات؟
أنس قام بمبادرة إحياء فنانين الزمن الجميل عبارة عن حلقات كل حلقة فنان ورسم فيها فنانين كتير منهم أحمد زكي وسعاد حسني وحسن فايق وماري منيب وعبد الفتاح القصري وعمرو الشريف يوسف شعبان محمود ياسين رجاء الجداوي حسن حسني سمير غانم ام كلثوم إسماعيل يس
وحاليا قام بمبادرة في حب مصر وعن طريقها بيبرز فيها معالم مصر وحضارتنا وآثارنا
وطبعا أنس مش بيسيب حدث غير لما يعبر فيه برسمه في ٣٠ يونيو رسم الرئيس عبد الفتاح السيسي.
وفي يوم نقل المومياوات رسم الملكة نفرتيتي وفي ذكرى وفاة فنان او عيد ميلاده بيحب يرسم بورتريه تقديرا منه
كتير من المشاهير حبه رسم أنس ودعموه زي الفنان حسن الرداد والإعلامى رامى رضوان والدكتور طارق شوقي دايما بيدعمه ويشجعه وتعليقات ع صفحته واستضافة عدد من البرامج
والدة أنس أضفتي لأنس إيه؟
أنس شهرته او لقبه بيكاسو مصر وهو أصغر مدرب رسم بمصر والوطن العربي
حصلت ع المركز الأول في مسابقة أم الطالب الموهوب الأم المثالية على مستوى المحافظة
أنا كأم بدرس وبحضر ماجستير في مجال الموهوبين والمتفوقين مخصوص عشان أنس وازاي أفهمه وأحاول أساعده
