بالأسود … يسرا تتألق في اخر ظهور لها
كتبت/ مادونا عادل عدلي
قامت الفنانة يسرا بمشاركة متابعهيا بـ صور جديدة لها عبر صفحتها على موقع التواصل الاجتماعي لتبادل الصور والفيديوهات القصيرة إنستجرام
حيث ظهرت يسرا في الصور بإطلالة متميزة مرتدية جامبسوت سوداء لامعة.
وكشفت الفنانة يسرا خلال لقائها في برنامج “كلام نواعم” عبر قناة mbc1 عن أسباب عدم رغبتها في فكرة الأمومة.
حيث أكدت يسرا أنها لا تشعر بالحزن لأنها لم تنجب أطفالا بل على العكس تحمد الله على ذلك، حيث حكت عن سبب قرارها بعدم إنجاب أطفال.
وقالت يسرا: وأنا في التلاتينات كان عندي هاجس أني لازم أبقى أم لأني معطاءة بطبعي كنت هموت وأخلف، وبعدين حصل أني فقدت طفلين في جوازتي الأولى، لما اتجوزت خالد قولتله نخلف ملقتوش مبسوط من الموضوع دا وقال نشوف.
واضافت يسرا : قولت مش عاوز يخلف مني وسألته إن كان قلقان أني مكونش أم كويسة قالي أنتي الست الوحيدة اللي أتمنى أخلف منها لكن الزمن اللي هنخلف فيه على بال ما يكبر بعد 20 سنة هتبقى حياة مختلفة مش هيشوفوا اللي إحنا شفناه هتبقى حياتهم أسرع وسطحية وأنا مش عاوز أشوف عيالي كده، وأنا بعد فترة اقتنعت وبقول الحمد لله أني مخلفتش.
واختتمت يسرا موجهة رسالة إلى كل السيدات: أوعوا تزعلوا من قدر ربنا مديهولكم قدر أنتم مش حاسين بيه مع الوقت تخطيت الشعور وبالتجارب شفت ناس فقدوا أولادهم ومش قادرين يعيشوا وشفت ناس أولادهم عاصيين ليهم معرفش إيه ممكن كان يحصلي ممكن مكنش استحمل أن يكون عندي طفل ويموت وبالنسبة لي خالد هو حياتي وابني وجوزي ربنا عوضني وبقول للي ما خلفش ميزعلش واللي خلف يحمد ربنا
