ضرب نار في الحلقة 12 من مسلسل فهد البطل
كتبت / مادونا عادل عدلي
في الحلقة ال 12 من فهد البطل وبعد لما فهد رفض ريكو انه يتجوز اخته راويه وراويه أخته طلعت وقالت له انت بتبيع وتشتري فيا كده ليه وهو ضربها بالقلم ودخلها جوه وقال لريكو خلصت يا صاحبي انا ما عنديش بنات للجواز وريكو بيقول له بس انت كده ظالم يا فهد وسابه ومشي
وابو فهد بيقول له ليه يا ابني تكسر بخاطر اختك طب انا في نظري بقى ريكو ده راجل محترم وجه خبط على الباب
وفهد بيقول لي ابو امر راويه يخصني لوحدي علشان ما ارجعش اكرر كلام يزعل ماحدش له دعوه
عجيبه كانت عامله شاي وحاطه فيه حاجه لوفاء وكانت طالعه بيه ليها والعمده غلاب شافها ونادي عليها وقال لها لمين الشاي ده وقالت له ده لوفاء وهو قال لها طيب انا هاخذ كوبايه الشاي دي وانت ابقي اعملي لها غيرها وراحت هي بسرعه كبت كبايه الشاي على الارض علشان العمده غلاب ما يشربهاش وهي سرها ما يتكشفش
فهد بيروح لراويه وبيقول لها يا بنت انت اغلى حاجه عندي انا عايز لك العيشه الحلوه يومين الحب والغرام هينتهي ومش هيتبقى لك غير العيشه المره انا عايش روحي على كفي ممكن اروح في اي لحظه مش عايزك تتلطمي من بعدي يا بنت انت كل حياتي
وراوية بتقول له كنت قبل لما تظهر كناريا دلوقتي انت مش شايف حد تاني غيرها
وفهد بيقول لها انت بتغيري ولا ايه وبعدين مش دي اللي انت دفعتي عنها وعملتي فيها صاحبتها
وراويه بتقول له بدافع عنها اه علشان عايزاك مبسوط لكن تاخد مني اخويا لا وفهد بيقول لها ما حدش يقدر ياخدني منك، علشان خاطري اقفلي على موضوع ريكو
نادر التمساح اتصل على فهد البطل علشان يجي له ولما راح له فهد بيقول له في ايه يا نادر بيه هو احنا مش كانت خلصت الحكايه مع بعض ونادر بيقول له في مصلحه كده عايزك تخلصها لي واحد محبوس في مصحه يلزمني عايزك تجيبه لي بشحمه ولحمه بس من غير ما حرف من اسمي يظهر في جمله مفيده تعرف تعملها
وفهد بيقول له الواد ده مكانه فين ونادر بيقول له في مصحه في المعادي
وفهد بيقول له طيب بسم الله الرحمن الرحيم كده انا هاخد في الحوار ده 100 الف جنيه، ونادر بيقول له 100 الف جنيه ليه
وفهد بيقول له على قد النمره يا باشا وبالمره علشان لو توفيق بيه غدر عليا اكون امنت نفسي ونادر بيقول له ماشي يا فهد بس بشرط هتاخدهم لما تخلص
وبعد كده فهد بيقول له لا مؤاخذه يا باشا هو الواد ده مين ونادر بيقول له عيل كده ابن كلب حرامي سرق مننا حاجه
ضياء بيقول لامه ما تزعليش مني ياما انا عارف ان انا خيبت املك فيا بس انا اوعدك ان انا اول لما اخرج من هنا هتغير واول حاجه هعملها هكتب كتابي على البنت اسيا هي ما لهاش ذنب في اللي حصل وامه بتقول له وعد يا ابني اول لما تطلع من هنا هاخذك من ايدك ونروح نكتب كتابها مش فايزه الشبح اللي تفتري على وليه حتى لو كانت بنت توفيق التمساح
فهد بيروح لواحد شغال في المصحه اللي فيها ضياء وبيقول له في واحد جوه في المصحه عايز اهربه وانا عارف ان انت كله في الكل هنا وان انت بتهرب مخدرات للمرضى جوه
الراجل ده بيوافق بس هياخد من فهد 10000 جنيه مقابل انه يطلع له الراجل وفهد قال له انا مظبط كل حاجه ماتقلقش
نادر التمساح بيروح البار اللي في راويه وبيقول لها مش تقول ان احنا جيران وراويه بتقول له كثر خيرك يا نادر بيه ان انت ما قلتش لفهد انا استجدعتك قوي والله لما ما قلتلوش وانا والله هو اسبوع واحد بس هقبض ومش هتشوف وشي هنا ثاني ونادر بيقول لها طب ما دي مشكله كبيره على العموم انا عندي شغل ليكي عندي مكان كده خاص ممكن تيجي تشتغلي فيه وراويه بتقول له ايه الكلام اللي انت بتقوله ده يا نادر بيه انا عارفه ان انت بكلمه واحده توديني ورا الشمس بس انا غير ما انت فاهم ونادر بيقول لها على العموم العرض بتاعي لسه متاح وفكري فيه
الراجل اللي فهد اتفق معاه علشان يهرب ضياء راح له وقال له انا سبت لك كل الابواب مفتوحه وخد تليفونك معاك واهرب بسرعه وضياء خد التليفون وطلع يجري واول لما طلع من الباب فهد خبط على دماغه وحطه في العربيه وبيتحرك بيه
وبعد كده المصحه كلمت الحاجه فايزه الشبح وقالت لها ان ضياء ابنها هرب وهي فضلت تقول لهم ده انا هقفل لكم المصحه بتاعتكم دي
فهد بعد لما جاب ضياء من المصحه وسلموا لنادر وتوفيق التمساح قالوا له امشي انت يا فهد وسيبه هنا واول لما طلع من المخزن اللي هم فيه الحاجه فايزه الشبح اتصلت بفهد وقالت له الحقني يا فهد ابني هرب وفهد بيقول لها هو كان مسجون ولا ايه وهي بتقول له لا هرب من مصحه الادمان وفهد وهو مصدوم بيقول لها هو ابنك اسمه ايه يا حاجه فايزه وهي بتقول له ضياء.
وفهد طلع يجري علشان يلحق ضياء بس ما لحقش وشاف توفيق التمساح وهو بيطلع المسدس بتاعه وبيقتل ضياء قدام عينيه والحاجه فايزه الشبه على التليفون عماله تقول له فهد فهد ايه صوت ضرب النار ده.
هاشم الجاحد خطف هند بنت كناريا وطلع يجري بيها.
كناريا بتروح لهاشم بيته وبتزعق له وبتقول وديت بنتي فين يا هاشم
وهاشم بيقول لها بنتي معايا دماغك بقى وزتك ورحتي قلتي للحكومه او حتى رحتي قلتي لديك البرابر اللي انت ماشيه معاه هكون دب_حها لك بايدي
عايزه تشوفي بنتك تاني يبقى نقطه ومن اول السطر وترجعي على ذمتي تاني اردك لعصمتي بنتك تنام في حضنك.
نهاية الحلقة بطريقة جامده جدا فهد بعد لما روح البيت راويه واخته شافته واقف عمال بيعيط وهي بتقول له مالك يا فهد تحكي لي ايه اللي حصل وهو بيقول لها انت بالذات ما ينفعش احكي لك يا راويه وهي بتقول له ايه اللي جد طول عمرنا شايلين الشيله مع بعض ليه دلوقتي عايز تشيلها لوحدك وفهد بيقول لها انا قتلت راويه وايدي اتعاصت بالدم.
راوية اخته مصدومه وبتقول له احكي لي ايه اللي حصل وهو بيقول لها طلبوا مني اجيب لهم واحد قالوا لي ان هو سارق سريقه وبعد لما جبته ليهم قتلوه بدم بارد وراويه بتقول له وانت ذنبك ايه انت كنت تعرف ان هم هيقتلوه ما تشيلش نفسك ذنب اكبر منك.
وراويه بتقول له انا كان في حاجه طالعه اقول لك عليها بس مش عارف اذا كان وقتها ولا لا وفهد بيقول لها في ايه وراويه بتقول لفهد هشام خطف هند بنت كناريا.
