سامح فؤاد يكتب: ماتعودتش نفسك على الخوف
ماتعودتش نفسك على الخوف وتصحبه
ده صديق معلون
بيخون صاحبه
يرسملك طريق الأمان
جنب الحائط و يصاحبك
فيوهمك بالسلام و الأمان و انت تسمحله
مع أنه فى الاصل حرامى
و بتاع مصلحته
يسرق منك الثقة و راحة البال
لأجل مانت تصحبه
و يعيشك على طول قلقان
و أن غاب تندله.
غير أنه يغير فيك صفات
و يجعلك تابع له.
ف تجد نفسك حيران
خواف
تايه و مش واخد حقك
و مش قادر ترتاح منه
مش بقولك صديق معلون
بيخون صاحبه.
خد بالك وبلاش تصاحبه
و ان خبط يومك على فكرك
لا ترد عليه ولا تخاطبه
