سامي مغاوري وأسباب إستقالته من مجلس نقابة المهن التمثيلية
إعداد وحوار / دعاء نصر
الفنان سامي مغاوري، ممثل مصري، حاصل على ليسانس الحقوق من جامعة القاهرة عام 1980، عين شمس مسرح الطليعة، عمل في المسرح والتلفزيون، شارك في العديد من المسلسلات التي عمل بها “البشاير”، “ابن تميمة”، “رجل قي العاصمة”، “البيوت أسرار”، اللعبة 2، ومن مسرحياته “اللهم اجعله خير”، “حكمت هانم ألمظ”، قوت القلوب،”عين في الجنة وعين في النار”، “رصاصة في القلب”. والعديد من الأعمال الأخرى.
ما سبب أستقالة الفنان سامي مغاوري من مجلس نقابة المهن التمثيلية ؟
هما سببين
السبب الأول خاص بيا أنا
ان أنا العشر سنين اللي فاتوا، أنا دي ثالث دورة ليا في المجلس، أول دورة لي كانت دورة أشرف عبد الغفور وبعدين الدورة الثانية أشرف زكي ودي الدورة الثالثة نصها أنا في نصها دلوقتي أنا رئيس لجنة الشكاوى ورئيس لجنة القيد وفي لجنة التحقيق يعني الضغوط في الشكاوي والقيد شديدة شوية وأنا أجتهدت وتعبت وإللي مزود تعبي يعني حكاية ان الناس بتشتكي إن أعضاء النقابة يشتكون من عدم الشغل وأنتي عارفة الظروف عاملة إزاي.
والشكوى زيادة عن اللازم، الناس في حالة بطالة وخصوصًا الشباب أعضاء النقابة في حالة بطالة.
يمكن أحنا مش منوط بنا بالدرجة الأولى التشغيل لكن إللي منوط بنا بالدرجة الأولى حماية المهنة حسب اللائحة مابتقول حماية المهنة والحفاظ عليها.
النهاردة في دخلاء كتير دخلوا المهنة ودول بياخدوا فرص الشباب أعضاء النقابة أحنا أعضاء النقابة أغلبهم خريجي المعهد العالي للفنون المسرحية جامعة إسكندرية دراما ونقد وجامعة حلوان دراما ونقد، ف دول بالدرجة الأولى لازم يشتغلوا.
هل الموهوبين خارج القطر دي مش من حقهم يشتغلوا ؟
أكيد الموهوبين من حقهم يشتغلوا لما بتبقي موهبة فذة وقويه جدا. اللائحة بتقول من حق المخرج أو المبدع انه يدى فرصة للمبتدئين بس حوالي 10% من العاملين بكل عمل النهاردة الحكاية. زادت عن حدها شركات الإنتاج اغلبها مش مدية فرصة للشباب الموهوبين. من أعضاء النقابة وبيدي الفرص للي هما من الخارج
طيب مهم حقهم يشتغلوا. الدستور بيقول حرية الأبداع بس مش كدا. بس دا كدا حرية الإبداع زادت عن حدها.
أنا بديلك حقك كمبدع إنك تاخد 10% من الخارج حتي لو أنت وأنت بتعمل العمل شوفت حد مبدع. حبيت تشغله شغله بس تروح تعمله تصريح أو ترخيص مبقاش أنا أنت عمال تشغل غير أعضاء النقابة. وبدون ترخيص كمان أنت شايف حد مبدع اتفضل أعمله تصريح.
فكرة ورش عمل للنقابة:
أحنا عملنا ورش النقابة عملت ورشة وأثنين وثلاثة علشان الشباب يدخلها مش لمجرد الدخول وإللي يجتاز الاختبارات الاخيرة للورشة. يبقى من حقه فتح ملف، فتح ملف دا مش هيديك عضوية لا هيديك الحق إنك تيجي تستخرج تصاريح للعمل في اي عمل أنت بترشيح له.
إنما النهاردة لما يبقي 60 :70% من العاملين في كل عمل ولاد وبنات من خارج النقابة والباقي أعضاء النقابة. وتدوا أعضاء النقابة الأدوار التافهة والأدوار الصغيرة والأدوار إللي يرشحه لكم أعضاء مكتب الكاستنج يبقي حرام يعني.
فالشكوى يوميا من الزملاء دخولي لاي لوكيشن بلاقي ناس غير أعضاء شغالين
أنا نفسيًا تعبت من الحاجات دي بصراحة من الحكايات دي.
فأنا قولت أنا أستقيل ويجي حد أقصى حد يكون أكثر قدرة على الشغل حد يتعاون أكثر مع الزملاء
أنا مش شغلتي التشغيل في النقابة. أنا مش ليس منوط بي ان أنا أشغل.
إنما أنا كنقابة لازم أحمي نقابتي من الدخلاء لازم أحمي أبناء الجمعية العمومية من الدخلاء لازم أحميهم من الدخلاء. وأساعدهم أنهم ياخدوا فرص حقيقية.
فانا علشان كدا قولت أبعد وأستقيل لان أنا مش حمل أنا تعبت أنا بقالي 10 سنين دلوقتي ولسه فضلي في الدورة الثالثة سنتين. لكن أنا مش هقدر بالطريقة دي أشوف زميلي عندنا كل يوم زملاء بتموت يتوفاهم الله أعمار مختلفة سنين مختلفة نجوم كبار وصغار بسبب أزمة الكورونا
في ضغوط اجتماعية شديدة جدأ أنا مش مستحمل. بقي فقلت أنا أستقيل وحد تاني يجي يكون أجدد يكون أقوى يقدر يدافع أكثر علشان كدا حاولت أبعد يعني.
علي أعضاء نقابتي إللي المفروض أكون آمين عليهم وعلى مصالحهم
أنا وجودي في النقابة لحماية المهنة من الدخلاء إللي حصل غير كده خالص.
وماذا عن أعمالك الرمضانية ؟
حاليًا أنا شغال دلوقتي في مسلسل اسمه “أحسن أب” بطولة علي ربيع وأخرج الاستاذ معتز التوني وإنتاج شركة سينرجي وأنا بعمل شخصية الأب، أبو علي ربيع ونشوف بقي أنا أحسن أب ولا أنا مقلب هنشوف المفاجأة هتبان باذن الله.
وفي مسلسل تاني اسمه الحرير المخملي ويعرض خارج السباق الرمضانى. وهو عن رواية أميمة عز الدين وسيناريو وحوار ورشة محمد ناير ومن إخراج أحمد خالد أمين.
بطولة مصطفى فهمى، مها أبو عوف، ولاء الشريف، أحمد وفيق، هالة فاخر، داليا مصطفى، طارق صبري.
تحب حضرتك تقول كلمة بمناسبة عيد الأم ؟
اه طبعا عايز أقول كل سنة وكل أم طيبة وكل سنة وستاتنا بخير وطيبين
والأم دي هي الأخت هي امي وهي أخت لخالي وهي أخت لابني فالأم هي دي محور الحياة
ربنا يرحم أمواتنا جميعا من الأمهات ويخلي لكل ابن وبنت وولد أمهم موجوده يخليها لهم لان الأهم هي مصدر الطاقة الايجابية لكل اسرة .
