ست الحبايب .. بقلم: د/عبير منطاش
ست الحبايب غيابك وجعني
خلى الأيام تقيلة على قلبي
مشيتي وخدتي البركة معاكي
وسبتيني لوحدي أعاني
لكن اللي مهون الدنيا في عيني
أنك يا غالية كنت راضية عني
ولآخر لحظة كنتي بتدعيلي
دعواتك دي هى اللي ستراني
وبين الناس في السما رفعاني
وحشتيني يا حتة من روحي
ومهما الأيام و السنين تعدي
عمر حد ما ياخد مكانك في قلبي
ودايما على عهدي معاكي
يا أمي رضا ربي أكبر همي
وبدعيلك من قلبي يرحمك ربي
