عاجلعالم الفن

شريف باهر خاص لـ عالم النجوم… هدفي إسعاد جمهوري لأنه مسؤولية كبيرة

شريف باهر خاص لـ عالم النجوم… هدفي إسعاد جمهوري لأنه مسؤولية كبيرة

شريف باهر خاص لـ عالم النجوم… هدفي إسعاد جمهوري لأنه مسؤولية كبيرة
شريف باهر

حوار: ثريا الصاوي

يعد الفنان شريف باهر من أهم نجوم الوسط الفني كما أنه قدم برنامج المقالب المعروف “ماكنش يومك” وبعد النجاح الذي حققه العمل سطع نجمه في سماء الفن وتارك وراءه في جميع أعماله الفنية بصمة مميزة لدى جمهوره.

الفنان شريف باهر قدم برنامج “ماكنش يومك” هل إذا جاءتك الفرصة مرة أخرى ستوافق أم لا ؟ ولماذا ؟

طبعاً هوافق وبدون تردد، لأنه برنامج كان خفيف وفيه موافق كتير مضحكة والنوعية دى من البرامج تضيف طابع خاص من البهجة والسعادة سواء عند اللى بيشتغلوا فيها أو عند الجمهور وبعدين ماكنش يومك كان نقطة تحول فى حياتى عشان كده ليه عندى مَعزه خاصة و كمان كان نقطة تحول في الكاميرا الخفيه في مصر.

ما هي أسباب قبولك مسلسل “نونة المأذونة” الذي عرض في رمضان 2011 ؟

نونه المأذونة جالى بعد اما عملت برنامج ماكنش يومك وصناع العمل كانوا شايفين فيا حاجة أنا ماكنتش لسه شايفها وصحيح هو كان حلقة واحدة بس أكيد لما أبدأ أحط أولى خطواتي الفنية من خلال عمل يجمعنى مع نجمة جميلة وفنانة عزيزة جداً على قلبى وقلوب كل الوطن العربي حنان ترك أكيد مكانش فى مجال أرفض والحلقة أنا فاكر كانت رقم 14 والحمد لله عملت نسبة مشاهدة عالية جداً لأن كان دمها خفيف جداً جداً والدور كان فى منتهى اللذه.

ما هي الأدوار التي قدمها الفنان شريف باهر في السينما والدراما المصرية وتعتبرها علامة في مشوارك الفني ؟

هو مش دور واحد كذا دور وأولهم طبعاً دوري فى نونة المأذونة ودوري فى فرح ليلى ويوميات زوجة مفروسة دور شعبان إللى لسه لحد النهارده معلم جداً مع جمهورى الحمد لله ودوري فى باب الخلق أمان العملاق الراحل محمود عبد العزيز والبيت الكبير وطبعاً دوري فى ميراث الريح أمام العبقرى محمود حميدة، أما السينما هناك دور جديد في فيلم جديد لسه هينزل قريب إن شاء الله صحيح هو مش دور كبير أنا طالع ضيف شرف ولكن هو دور مختلف عن كل أدواري تماماً وأنا حابه جداً بس مش هقدر أحكى تفاصيل عنه دلوقتي.

شريف باهر خاص لـ عالم النجوم… هدفي إسعاد جمهوري لأنه مسؤولية كبيرة
شريف باهر

الوقوف أمام الساحر محمود عبدالعزيز في مسلسل باب الخلق ماذا اضاف لك ؟ 

عارفة يعنى إيه تقفى قدام عملاق من عمالقة العصر الذهبي زي العملاق محمود عبد العزيز الله يرحمه هو أصلاً مجرد ظهوري بس إنشالله فى مشهد صامت معاه كان هايبقى إضافة كبيرة فتخيلي إنى أعمل دور محوري معاه دور كانت مساحته كويسه جداً وخصوصاً فى بدياتى الحقيقة هو كان علم من أعلام الفن ومجرد الظهور جانبه كان يُعتبر نقطة تحول لأى فنان.

ما هو الهدف الذي يسعى إليه شريف باهر؟

هدفى إنى أسعد جمهورى لإن حُب الجمهور ده مسئولية كبيرة جداً والحفاظ على الحُب ده مسئولية أكبر.

ما هي الأدوار التي قدمتها وتراها تشبه شخصيتك الحقيقة؟

الدور اللي شبهي دوري في نونة المأذونة عشان أنا من وأنا طفل كان نفسى أتجوز 4 ويبقوا كلهم على ذمتي.

ماذا كنت تحب أن تكون إن لم تصبح ممثل؟

لا مكنتش عايز أبقى حاجة غير إعلامي وممثل لانى قبل مادخل مجال الفن جربت فى مجالات تانية بس مكنتش حاسس نفسي زي دلوقتي.

هل فكرت يوماً في اعتزال الفن؟

فكرة اعتزال الفن دي مفكرتش فيها لانى بحبه جداً بس بسبب الظروف اللى الفن والدنيا كلها مرت بيها فكرت جداً أعمل بزنس خاص جانب الفن لكن فكرة الإعتزال دى مش مطروحة عندى تماماً أصل الفن ده إدمان.

شريف باهر خاص لـ عالم النجوم… هدفي إسعاد جمهوري لأنه مسؤولية كبيرة
شريف باهر

هل ترى أنك حققت جزءًا من أحلامك؟ 

أنا مؤمن إن طول ما فيا نفس فأنا لسه قدامي أحلام وأهداف كتير هافضل أسعى إن شاء الله إنى أحقق منها اللي أقدر عليه.

من وجهة نظرك ما الذي ينقص السينما المصرية من أعمال؟

السينما المصرية من قديم الزمن وهي مُثمرة بأعظم الأعمال اللي لسه مستمرة لحد النهاردة بس هو إحنا محتاجين الفترة دى شوية تنشيط للأعمال الفنية وتسهيل إنتاج أعمال جديدة زى ماكنا متعودين فى التسعينات وأول الألفينات للأسف الأعمال السينمائية قلت دلوقتى جداً وأنا عن نفسى مش عارف ايه اللى حصل.

نهى مرسي

نائب رئيس تحرير الموقع

مقالات ذات صلة

زر الذهاب إلى الأعلى
هذا النص خاضع لحقوق الملكية
إغلاق