فريدة سيف النصر تطلب الدعاء من جمهورها ” أول مرة أبكي زي الأطفال”

فريدة سيف النصر تكشف عن إصابتها بورم في وجهها وطلبت فريدة من جمهورها الدعاء لها

فريدة سيف النصر تنشر عبر حسابها الشخصي على بموقع التواصل الاجتماعي ” فيس بوك “ صورة لها توضح شكل الورم الذي أصابها بسبب خراج في أسنانها بشكل مفاجئ وعلى الرغم من المسكنات التي تتناولها فإنها مازالت تعاني من الألم الشديد.

وعلقت النجمة الكبيرة فريدة على صورتها بهذه الكلمات:

“ممكن تدعوا لي من قلبكم بجد اول مره ابكي زي الاطفال انا اصلا باتحمل لكن مش قادره..ده مش ماكياج ده وشي بدون سابق انذار صحيت باصوت نص الليل ودي رابع مره يحصل لي حاجه غريبه في وشي و اكون بشتغل يعني مش وقته استغفر الله احسن من غيرنا سامحني والنبي اللهم لااعتراض..عامله زي الكوره الكفر عينيه مقفوله وبؤي مدلدل حتى حواجبي وارمه يخرب بيت كده انا اديتكم نص الوش علشان حقيقي مش انا رعب والله تغيير سريع سبحان الله والحمدلله مش هزار تحت أسنان سليمة 4 خراريج ازاي مش عارفين عملنا بانوراما كاملة والدكتور مستني الالتهاب يروح والورم بحقن الفنتيرن قوية اوجمنتين وبعدين يقرر في ايه؟”

وأضافت الفنانة فريدة سيف النصر

“هو نفسه بيسأل في إيه؟هو أنا اللي هاعرف يا دكتوووووور..وطبعا الفيكتور مني مني علي روحي لأن الألم الحمدلله مايتحملوش الا حد مستسلم لإرادة ربنا ويشكره..المشكله الشغل ومفيش وقت لاحول ولاقوة الابالله..لا زم يصوروا من غيري وانا وافقت هاعمل ايه!..؟؟ قدر الله وماشاء فعل حاضر حبيبي يا ربنا كل اللي تجيبه راضيه والحمدلله هو مابيجيبش حاجه وحشه ابدا قضا اخف من قضا لو هافدي الغاليين كلهم انا جاهزه..ادعوا لي..اسفه عالصوره بس انتم حبايبي وهاتتحملوا ده انا لسه منزله عالصفحه لايف النظارة الفراشة امبارح باين طلعت فراشه ملوثة…الآذان سلام بقي”.

تصور حالياً الفنانة في مسلسل أولاد إمبابة

الجدير بالذكر أن الفنانة فريدة تصور الأن مسلسل أولاد إمبابة الذي هو مقرر عرضه في شهر رمضان 2020 بطولة مجموعة كبيرة من النجوم ، أبرزهم الفنان سعد الصغير وأبو الليف وهاني الأسمر ومراد فكري ونخبة من النجوم .