“في كلمة ابني راح” جليلة محمود تكشف سبب عدم ظهور أبنائها

كتبت/ مادونا عادل عدلي 

اشتهر في وقت سابق فنانين خافت من الحسد ومن ضمن هؤلاء الفنانين الفنانة جليلة محمود والتي بكت على الهواء من أجل هذا 

كانت الفنانة جليلة محمود في مقابلة مع ياسمين عز ببرنامج “كلام الناس” خلال قناة mbc مصر، أنها فقدت ابنها قبل 24 عاما بسبب الحسد.

وقالت: “عندي ابن راح بالحسد، فلا حابة ولادي حد يشوفهم ولا يعرف عنهم حاجة، ولا اتوجع تاني، لأن الوجع مستمر معايا من سنة 1998 ولهذا السبب ارفض ظهور ابنائي”

وواصلت حديثها قائلة… : “الحسد في كلمة، كلمة اتقالت وتليفون جالي، ابنك عمل حادثة، محدش شافه، كنت بقول عادي، عندي 3 صبيان وبنت، فاتقال لي ما أنتي اللي زيك يجيب ولاد، التليفون جالي، ابني راح”.

وتابعت : “كان 18 سنة، سنة أولى كلية تجارة، وراح، فمبحبش حد يكلمني عن ولادي، محبش حد يقولي مين ولادك، محبش أنزل صور لولادي”.

واستكملت الفنانة جليلة محمود: “الحسد مذكور في القرآن، كنت في الأول صغيرة وولادي فرحانة بهم وباخدهم معايا في كل مكان، لكن بدعي ربنا إن ما يوجعنيش تاني ولا يوجعهم، لأن دي أصعب حاجة

وتابعت لانهاء حديثها عن الحسد بالدعاء قائلة… “يارب ما حد يشوفها، فعلا دي أصعب حاجة ممكن واحدة تمر بها، الحمدلله على كل شيء وربنا يبارك فيهم”.