في ناس تشوفها بالقلب مش بالعين … بقلم الشاعر الغنائي: حماده العسكري
في ناس تشوفها بالقلب مش بالعين
تضحك معاهم مهما كنت حزين
بتلقى فيهم كل حاجه نقصاك
وتحلى بيهم الايام والسنين
الحب عمره ماكان لقى ومواعيد
دي قلوب تحسك مهما كنت بعيد
شوقي ليهم كل يوم بيزيد
إجمعني بيهم في يوم يارب آمين
البعد مش مقصود بيه المسافات
في ناس قريبه وبنهم إختلافات
وناس بعيده وقريبين منك
بيخفوا عنك الحمل والأزمات
الحب يقدر يجمع الأحباب
لو حتى بنهم إتقفلت الأبواب
في شعاع بيوصل بنهم الإحساس
وأعز ناس ماتتنسيش في غياب
الحب عمره ماكان لقى ومواعيد
دي قلوب تحسك مهما كنت بعيد
شوقي ليهم كل يوم بيزيد
إجمعني بيهم في يوم يارب آمين
