المطرب ياسر سالم يعلن عن أعماله القادمة وامنياته في 2021
المطرب ياسر سالم ، في حوار خاص وشيق مع جريدة عالم النجوم. يفتح قلبه ويعلن الجديد, في مشواره الفني وإنجازاته, في 2020 وامنياته في 2021.
شارك في العديد من حفلات الغناء, وأثقل موهبته, بالدراسة بـ معهد الكونسرفتوار. تحت ايد الدكتور طارق جابر، كما أيضا، وحصل على عضوية نقابة الموسيقيين. وشارك في مسرحية ريا وسكينه مع كوكبة, من النجوم بطوله النجمة بدرية طلبه.
وطرح له ألبوم خاص بعنوان “طبع الحياة“،بالتعاون مع المنتج والشاعر “كريم مصطفى”، الذى قام بإنتاج الألبوم، بالإضافة لكتابته أغنيتين من الألبوم وهما “ياما قولتلك، و” طبع الحياة”، وهي الأغنية التى تصدرت عنوان الألبوم.
بدايةً مين أكتشف موهبتك او بمعنى اصح مين أول واحد قالك صوتك حلو؟ وامتى؟
البداية كانت من المدرسة، ف حفلة عيد الام كانت اول مرة امسك المايك، و أغنى قصاد الناس، و اول حد قالى صوتك حلو، كان مدرس الموسيقى بتاعى، وكان الموضوع، صدفة، كنت قاعد مع زمايلى بغنى عادى بهزار، لقيته جه قعد جنبي، وقالى كمل و بعد ما خلصت قالى بكره اول ماتجي المدرسة، تدخل اوضة المزيكا على طول ومن يومها.
أغنية طبع الحياة المطرب ياسر سالم
ازاي نميت موهبة الغناء ومين دعمك انك تدخل المجال؟
نميت موهبتى، فى معهد الكونسرفتوار، تحت ايد دكتور طارق جابر، تعلمت منه الكثير، ومن ناحية الدعم ف والدى وامى، كانوا أكبر دعم لنا.
مين من نجوم الزمن الجميل بتحب تسمع له وتعني لي مين من جيل الشباب؟
من نجوم الزمن الجميل “العندليب”، طبعا أنا من عشاقه، و جيل الشباب، بحب شيرين عبدالوهاب، و تامر حسني.
من وجهة نظرك السوشيال ميديا بتفيد الفنان وتقربه الفنان من جمهوره ولا هيا بتضر الفنان ولماذا؟
الميديا طبعا حاجه مفيدة وبتقرب كتير، المسافات و كمان حلت مشكلة، العائد المادى دلوقتى لو صنعت محتوى فنى جيد و نجح مع الناس من المشاهدات بتقدر تحدد نجاحك، ونسبته و بيكون في عائد.
طبع الحياه ده كان الألبوم الأول ليك صح؟ حقق النجاح اللى كنت بتتمناه؟
بالنسبة الألبوم هو الأول لي، على مدار شهر فهو حقق أكثر من المتوقع ليه واتمنى مزيد من النجاح.
ايه مشروعاتك الجديدة؟
الاعمال الجديده ان شاء الله، دويتو مع المطربة فيروز حسن ، بعنوان ياما قلتلك و هيتم تصويره أن شاء الله
، و أغنية سنجل بعنوان فات قد ايه، والعاملين كلمات كريم مصطفي والحانى.
الفنان ياسر سالم رايك في مهرجان التذوق بـ الإسكندرية كتجربة جديدة فيها؟
و بالنسبة للمهرجان بصراحه كانت تجربه ممتازه وجديده ولاقت نجاح باهر واتمنى تكرارها طبعا بشكر ا نسرين يسرى على دعوتها ليا للحضور
و هى من اكثر الشخصيات الي دعمتني فـ مشوارى الفنى،و طبعا د دعاء نصر و حضرتك ا دعاء سنبل على دعمي و اتاحه الفرصه لى للحضور.
2020 بما انها اوشكت على الانتهاء؟ ايه الحلو فيها بالنسبة لك وايه الوحش اللى قبلك فيها؟ايه امنيتك لعام 2021؟
الحلو فى 2020 بلدنا الحمد لله، استقرار الأوضاع و الشعور بالأمان، و الوحش طبعا الوباء، إلى ظهر فى العالم كله، و فـ بلدنا ولو هتمنى للعام الجديد هتمنى عام جديد بدون وباء و يارب، تكون سنه سعيدة على مصر وكل المصريين.
أغنية كدابة للفنان ياَسر سـالم
