لم أتنبأ لكن شفت حاجات الناس مش عايزة تشوفها.. أبرز تصريحات يسري نصر الله
كتبت / مادونا عادل عدلي
تطرق المخرج يسرى نصر الله خلال ندوته الصحفية إلى أفلامه التى أخرجها قائلاً: إنه أثناء العمل عليها لم يكن بذهنه أن يتنبأ بأية أمور ستحصل على أرض الواقع وقال: “أوقات كثيرة بلاقي ناس تقولي معقول أنت توقعت كذا وكذا في الفيلم الفلاني، وبرد عليهم إنى لم أتنبأ بأى شيء في أفلامي ولم يكن في ذهني هذا الأمر”.
وأضاف يسري نصر الله : “الفكرة كلها إنى بعمل فيلم بيناقش الواقع وبيتطرق ليه، بس انا ببقى عايز انقل منه حاجات زي ما هيا بالظبط، ولكن الناس مش بتبقى شايفه أو عامله مش شايفه، وبيبقوا عايشين في الماضى ومش عايزين يشوفوا، لكن بعد فترة بيبتدوا يشوفوا أو أولادهم بيبقوا شايفين ومش عايشين في الماضي
وإستكمل ” وبالتالي بيقولوا ايه ده الفيلم الفلاني تنبأ والحقيقة انه لم يتنبأ ولكنه شاف اللي الناس مش عايزه تشوفه”.
جدير بالذكر أن قد شهدت مسيرة يسري نصر الله عمله مع أكبر النجوم والنجمات بالإضافة إلى بزوغ نجم العديد من الفنانين في بداية مسيرتهم في أعماله مثلما حصل مع الفنانة عبلة كامل، باسم سمرة، محمد هنيدى، محمد رمضان، عصام عمر، وغيرهم من أهم الأسماء على الساحة الفنية حتى اشتهر بعينه الثاقبة في اكتشاف المواهب الفنية.
