متمكنة .. إهداء إلى د. دعاء نصر .. بقلم الشاعرة نور حجازي
متمكنة
بالعلم قادرة تقول أنا
حكمة وقيادة ومقدرة
بجهودها هي مؤسسة
رسمة طريقها بمسطرة
فن ومهارة وهندسة
أم ومديرة ومدرسة
مين زيها
محروسة من عين الرجال
مين قدها
لاتكل ولابيهدلها بال
إلا اما تحقق حلمها
شالت جبال
هدت سدود
عدت حدود المستحيل
قالت أنا قد الصعاب
مين غيري بس يحلها
وصلت لأول حلمها
صابرة ولسه مكملة
مين إللي يقدر يهد قوة عزمها
بتقول ياااارب
و إللي بيقصد ربنا
والله بينول الرضا
