جمال سليمان لإحدى السيدات في مهرجان الفيلم: أبوس إيدك سيبيني
انتشر في الساعات اللي فاتت فيديو للفنان السوري جمال سليمان، وهو بينفعل على واحدة من معجباته في مهرجان الفيلم السنوي الـ51 في دار الأوبرا المصرية.
في الفيديو بيظهر جمال وهو ماسك ملف، ولما قربت منه ست علشان تاخد صورة معاه، رد عليها بانفعال وقاللها أبوس إيدك سيبيني، وكان واضح عليه الضيق الشديد من الموقف.
الست انسحبت بعد كلمته لكن النجم السوري فضِل متضايق وده كان باين على وشه.
الناس اتقسمت على السوشيال ميديا منهم اللي شاف إن رد فعله كان مبالغ فيه، وإنها معجبة بس وده تمن الشهرة، لكن في ناس تانية دافعوا عنه وقالوا إن من حقه يختار الوقت والمكان اللي يتفاعل فيه مع جمهوره، خصوصا لو كان تعبان أو مشغول.
