ملخص الحلقة 12 من مسلسل اش اش فرحة الدلوعه 

كتبت / مادونا عادل عدلي 

شادية هتموت من الغيظ هي ومختار بعد لما شافوا وعرفوا ان العروسه تبقى اش اش وبعد كده نزل من العربيه الثانيه اخلاص كابوريا وصفاء اخت اش اش وبوشاكش وتيسير 

وبعد كده المعلم رجب الجريتلي اخذ اش اش وطلع بيها على المسرح

شادية مش قادره تمسك نفسها 

من الغيظ وعايزه تنزل تهد الفرح على اللي فيه ومختار بيمسك فيها وبيمنحها تنزل وبيقول لها هو انت فاكره لما تنزلي رجب هيوقف الفرح والله شكلك هيبقى ست متكاده ان جوزها بيتجوز عليها رجب على اخره منك ومش بعيد يرمي عليك يمين الطلاق قدام كل الناس اللي تحت دي بقى قدام اخلاص كابوريا واش اش واختها والناس اللي لما بتيجي سيرتها انت بتتحولي دي. 

وشادية بتقول له انت بتتكلم صح بس انا مش قادره حاسه ان انا هموت هيجي لي السكر هتجلط

المعلم رجب في الفرح بيقول لاخلاص بقول لك ايه تعالى اقول لك كلمه كده على جنب وبعد كده بيقول لها بصي انا الاهبل ولا عبيط 99% انت اللي زقه بنتك عليا بس اقول لك يا زين ما زقيتي ولعلمك لو بتشتغلني انا هسامحها البنت نكشت في قلبي نكشه عمره ما اتنكشها قبل كدة

واخلاص بتقول له يا ريتني كنت بعافيتي زي زمان كنت باركت عليها موتها لما قالت لي انها عايزه تتجوزك بس ما قدرتش امنعها اصلها البنت بتصرف على البيت فكعبها عالي عليا بس بكره تعرفك صح وتيجي تقول لي حقك عليا ياما انا غلطانه

والمعلم رجب بيقول لها انوي الخير لبنتك يا حماتي

لبنى بتكلم فاتن في التليفون وبتقول لها انا رحت ل اش اش واهلها البيت وشديت لهم خط كده علشان ما يقربوش من مختار تاني وفاتن بتقول لها هي من ناحيه انها مش هتقرب لمختار تاني هي مش هتقرب لانها بتتجوز دلوقتي وبتتجوز عمك وتحت البيت

قلوبنا بتقول لها هي مين دي اللي بتتجوز وفاتن بتقول لها اش اش فرحها شغال دلوقتي تحت وبتتجوز عمك رجب

ليه كده بس يا معلم رجب

نصه راح الفرح وكان بيبارك لاش اش وبيسلم عليها والمعلم رجب بياخد ايده من ايد اش اش وبياخده بعيد وبيقول له من بعيد انا ممكن اقول لها تقاطعك بس انت من هنا ورايح تبقى بعيد عنها ونصه بيقول له انا كنت ببارك ليها والمعلم رجب بيقول له وباركت؟ 

ونصه بيقول له باركت عن اذنكم

قول معلم رجب بيقول له ابتديت تفهم نورت 

المعلم رجب حجز ل اش اش في فندق لحد لما شقتها اللي فوق شاديه تجهز

قول معلم رجب بيقول لها احلى حاجه في البني ادم الصدق نفسي تكدبي لي احساسي اوعي تطلعي كدابه يا اش اش نفسي اطلع فاهم غلط

و اش اش كان في حاجه عايزه اقولها لك عشان ما بقاش كذابه انا مش بنت بنوت

انا كان ممكن احلها قبل الفرح بس انت لسه قايل ان احلى حاجه الصدق

مش عايزه اكدب عليك 

 معلم رجب بيقول لها ومش هتندمي علشان قلتي الصدق يا اش اش شكلي معاكي هعدي حاجات كتير قوي

ما افتكرش كنت ممكن افوتها اديني رقم الساحر اللي انت عامله لي عنده العمل

يوم صباحيه اش اش شاديه فضلت ترن كتير على المعلم رجب وهو ما بيردش عليها وبعد كده بعتت له رساله وبتقول له بصرف النظر عن انها بنت اخلاص كابوريا انت تعرف ان اش اش كانت ماشيه مع مختار

واش اش كانت في الحمام واول لما طلعت المعلم رجب بيقول لها انتي كان في ايه بينك وبين مختار