عالم الفن

مراد فكري يكشف عن أمنياته وأحلامه ذلك الجديدة لعالم النجوم

اقرأ في هذا المقال

  • مراد فكري صادق يفتح قلبه ل جريدة عالم النجوم في حوار خاص مع الصحفية دعاء سنبل
  • مراد فكري يشارك مع ياسر جلال في مسلسل الفتوة في الموسم الرمضاني المقبل
  • مراد فكري يكشف عن أمنياته في العام الجديد

مراد فكري يكشف عن أمنياته وأحلامه ذلك الجديدة لعالم النجوم

"<yoastmark

 

مراد فكري هو أبن الفنان القدير فكري صادق.اشتهر الفنان الشاب .. بتقديم دور الشاب المنحرف أو الفكاهي و ابن البلد.

تخرج الألسن و أتقن ثلاث لغات، ودرس في مرحلة التعليم الجامعي بالمعهد العالي للسينما قسم إخراج. ومن أكثر الادوار التي   لفتت الأنظار له. دوره في مسلسل “ابن حلال” ، وفيلم “الألماني” وشارك في بطولة الفيلم الروائي القصير “اللعبة الأخيرة ” مع الفنانة الشابة منة جلال. وتعتبر هذه هى المرة الأولى في تاريخ الفيلم الروائى القصير.

مراد فكري يكشف عن أمنياته وأحلامه ذلك الجديدة لعالم النجوم
الفنان مُراد

ممكن نعرف من مراد أيه الحاجة الحلوة اللي حصلتله  في العام الماضي وايه الحاجة الوحشة اللي حصلت له و ميتمناش  تحصل له تاني في 2020 ؟

 

اتكرمت عن دور حلمي فيلم اللعبه الاخيره المركز الكاثوليكي مهرجان الفيلم الروائي القصير وأتكرمت في مهرجان. وشوشة اللي فات و اتكرمت على فيلم الخروج عن النص من مهرجان أوسكار للأفلام العربية في شهر 7 اللي فات.

و من الحاجات اللطيفة اللي حصلت لي في 2019 ان انا اخذت سفير نوايا حسنه تبع مؤسسه اليونسكو في شهر تسعه اللي فات. ومش اي تخصص ده تخصص  الأطفال مرضى الكانسر. وذوي الاحتياجات الخاصة فهو عمل مدمج ما بين الاثنين يعني سياسيا. ونفسيا كمان، مبسوط ان انا اخترت اكون مع الاطفال عشان اعرف مشاكلهم و اقدر ابقى سبب في إسعادهم.

وكمان اعتماد نقابة المهن السينمائية شعبة السيناريست  لفيلم لعبة الحوت الازرق.. من تأليفي 

و ده كان برضه من ضمن الحاجات اللطيفة جدا وده يعتبر ثاني تجربه ليا على مستوى الكتابة. و اول تجربه احترافيه لي برده .

ومن الحاجات الحلوه أني أخذت قرار الانفصال عن ام وبنتي. وده قرار كان متعب جدا ومؤلم جدا لكن اخذنا القرار بالاتفاق ما بينا احنا الاثنين ، وكان بسبب إختلاف وجهات  النظر الكتيرة جدا.

هي لها مني كل التقدير والاحترام هو قرار كان لازم يتاخذ من قبل كده.  بس أدينا لنفسنا فرص كتيره مع الأسف ودى بعتبرها من الحاجات الحلوة في 2019.

ايه الجديد بالنسبة  للفنان ” مُراد فكري  ” في 2020 ؟

 

والحمد لله بحضر مسلسل. ولاد اميابة و اول التصوير فى استوديو مصر بأذن الله..وخلصت تصوير فيلم الموقف.

 نازل ليه فيلم اسمه دماغ شيطان إخراج كريم حسين الكريم علي حسين و بطوله باسم سمرة رانيا يوسف و نضال الشافعي و أنا و ياسر الزنكلوني ومجموعة برده حلو قوي 

 وهشارك في مسلسل الفتوة مع ياسر جلال بدور جديد جدا دور مهم جدا بس الورق مكملش لسه في الكتابة بتاع المسلسل ، فبالتالي انا مش قادر اديك أي تفاصيل عن الشخصيه اكثر من اللي هي شخصية جديدة عليه برهان على كلام المخرج حسين .

إيه اللي بتتمناه في 2020 على مستوى العمل والمستوى والاجتماعي ؟

 

 اتمنى ان ربنا يعوضنى خير كل حاجه تعبتني بتمنى ولما ارجع للدراما ارجع بشكل يعجب الناس زي ما الناس فاكره ادواري اللي فاتت كلها في فيلم وش سجون او في مسلسل ابن حلال أو فيلم الالماني او جمهوريه امبابه ، قلب اسود ،عمر الأزرق ،الخروج عن النص، و الافلام اللي فاتت  ،اتمنى اني اكون سبب في ضحكتي ساعات اي حد سواء كبير او صغير .

أما على  المستوى الشخصي و المستوى الفني بتمنى الاستقرار السياسي المصري فأتمنى الارتقاء الثقافي المصري اتمنى الارتقاء الثقافي الفني والفنون على مستوى السمعي والبصري اتمنى من كل قلبي ان يسود السلام في كل شوارع وطني وبلدي هي مصر اللي بتشرف بيها جدا .

 اللي انا بتمناه على مستوى العملي. أني اقدم أدوار جديده مختلفه فيها رساله فيها معنى لأن العمل الهادف هو العمل الذي يحمل رسالة والممثل الشاطر هو الممثل اللي يقدر يوصل الرساله دي سواء  بشكل او بآخر ،المطلوب منه أنه يوصلها.

و بتمنى ان شاء الله ان انا ازور قبر سيدنا النبي عليه الصلاة والسلام و الكعبة المشرفة هذا العام سواء عمره او حج حسب تساهيل ربنا .. واتمنى الصحه والخير لابويا وامى .. اكتر حد وقف معايا في ازمتي جدا وكانوا شايلين وسندي .  واتمنى الخير لاختي الكبيره لانها تعتبر بمثابة امي الثانيه ، واتمنى كل خير لاخويا الصغير لأنه يعتبر بمثابة ابني الكبير .

بتمنى لكل الناس تبقى 20 20 سنة الخير سنة التقدم التحقيق كل من يتمنى شكرا جدا وكل سنه وانتم طيبين

مقالات ذات صلة

زر الذهاب إلى الأعلى
هذا النص خاضع لحقوق الملكية
إغلاق