مروة بدوي لـ عالم النجوم: الإبداع يأتي من الخبرة والخبرة هي أساس الموهبة
حوار/ داليا حلمي
مصممة الأزياء المعروفة مروة بدوي صاحب مصنع واتيليه جريت تراست لجميع الاقمشة وتنفيذ جميع الموديلات الحديثه لكل ما يواكب الموضة والجمال، هي بنت محافظة المنوفية خريجة كلية الاقتصاد المنزلي وقد أتقنت عملها إلى أن صنعت لنفسها كيانا مستقبلا وأصبحت معروفة جدا في عالم الازياء وبين مصممين الازياء
وكان لـ عالم النجوم التواصل مع مصممة الازياء مروة بدوي لنتعرف على مسيرتها…
نتعرف اكتر على حضرتك حتى يتثني للجمهور معرفتك أكثر؟
اسمي مروة بدوي مصممة ازياء مصريه وصاحبه مصنع واتيليه جريت تراست بشبين الكوم، عاشقة لكل ما هو جديد في مجال الموضة والجمال.
ماذا يمثل لك عالم الموضة والجمال؟
عالم الموضه كل حياتي
هل كان دخولك في مجال الموضة والتصميم بالصدفة أم كان حلمك؟
بالتاكيد كنت بحلم بيه جدًا وكانت موهبة من طفولتي
وكان حلم بابا الله يرحمه اني اكون طبيبة بشرية وكنت جايبة في الثانوية العامة ١٠٢ ولما قولت لبابا مش هكون ناجحة، في مجال الطب احترم رغبتي جدا وهو الداعم الأساسي وسبب نجاحي وسبب ان اكون لان كان هدفي تحقيق النجاح لبابا مش لنفسي كمان لكي اثبت له انه جدير بيا واني اكيد هفيد غيري في مجالي
هل تصميم الأزياء يعتمد على الخبرة أكثر أم الموهبة؟
لا طبعا الخبرة من غير موهبه وفن لا تكون مكتملة
شايفه نفسك فين كمان ١٠سنوات؟
كمان 10 سنوات اللى ربنا كتبهولى انا راضيه بيه
من وجهة نظرك الديزاين المفروض تساعد العميل في اختيار المناسب؟
أكيد طبعا لازم تساعد وتقترح وتقنع العميل المناسب لسنه ولجسمه
كلمينا عن ألوان الصيف السنه دي وهل كل الألوان تناسب جميع الأعمار؟
ألوان الصيف مبهجه وجميلة ومناسبة لجميع الأعمار بس طبعا محتاجه تكون بطريقه مناسبه لكل سن
تحبي تشكري مين اكتر حد وقف جمبك في مشوارك او توجهي كلمه لحد؟
اول حد طبعا بابا الله يرحمه جدا جدا هو سبب كل حاجه حلوه في حياتي ثانيا ماما الله يرحمها بالتأكد وثالثا اختي وامي الثانيه هم الداعم بعد بابا وماما وطبعا دكتور ايهاب فاضل دكتوري الغالي العظيم وكل التيم ال معايا بجد مرسي ليهم جدا واخيرا طبعا الكلاينت الجميل بتوعي ال بيحلو شغلي
