عالم الفن

مريم سعيد صالح تكشف عن ماحققته في 2019 وماتتمناه في 2020

اقرأ في هذا المقال

  • مريم سعيد صالح تصرح عن اللي بتتمناه الفنانة مريم سعيد صالح 2020 على مستوى العمل والمستوى والاجتماعي
  • مريم سعيد صالح تكشف عن ما أحزنهاوفي العام الماضي
  • مريم سعيد صالح تصرح عن سعادتها بمسلسل الضاهر

مريم سعيد صالح تفتح قلبها لجريدة عالم النجوم وتكشف عن ماتتمناه في العام الجديد

مريم سعيد صالح.. على الرغم من أنها لم تأخذ حقها ولا المساحة التي تستحقها ودائماً ماتكون أدوارها ذات مساحة صغيرة. لكنها تترك بصمة في أي عمل تشارك فيه..

حوار دعاء سنبل_إعداد دعاء نصر

مريم سعيد صالح تكشف عن ماحققته في 2019 وماتتمناه في 2020

” مريم سعيد صالح ” فنانة موهوبة. وأثقلت موهبتها بالدراسة. على درجة عالية من الثقافة. تمتلك كاريزما وخفة ظل..  وعفوية جعلتها تخترق قلوب الجمهور .

فنانة تعشق الارتجال في أدائها وسقف طموحها بلا حدود.عملت مترجمة فورية للغة الفرنسية في بدايتها لأنها خريجة مدارس راهبات.

لكن عاشت لسنوات لم تنسى حلمها وهو التمثيل لان اهلها. وبعدهم زوجها رفضوا دخولها هذا المجال في البداية.

عند دخولها عالم الفن أعجب بأدائها الأستاذ فاضل الجارحي. ونصحها بأثقال موهبتها بالدراسة ولم تتردد مريم. وكان عمرها 38 عاما. قررت الالتحاق بكلية الآداب قسم مسرح بالإسكندرية.

التحقت بعدها هي وأبنتها سويا بالجامعة الفرنسية. قسم إخراج سينمائي. وبالفعل حصلت على تصريح بالإخراج. 

 وقد صرحت من قبل أنها سعيدة بدورها في مسلسل الضاهر و مستبشرة به خير واتمنى يعجب المشاهدين

مريم سعيد صالح كشف عن أن دورها في مسلسل الضاهر . مختلف تماما عن أدوارها السابقة. وتعتبره علامة فارقة في مشوارها الفني.

اتذكر أن كان من أمنيات حضرتك في العام الماضي في حوارك معايا ان يتعرض مسلسل والحمد لله انه فعلا اتعرض بعد كل التأجيلات اللي فاتت.

ممكن نعرف من حضرتك أيه الحاجة الحلوة اللي حصلتلك في 2019، وايه الحاجة الوحشة اللي حصلتلك متتمنيش تحصل لك تاني في 2020 ؟

من احسن الحاجات اللي حصلت لي أن  انا اتعرض ليه اخيراً مسلسل الضاهر طبعا اللي كنت بتمني انه يتعرض من زمان . لأن المسلسل كنت حباه طبعا وحابة دوري فيه اوي اوي و جه بالصدفة بعد مسلسل بحر علي طول يعني ترتيب ربنا سبحانه وتعالي ، 

من اجمل الحاجات برضه اللي حصلت ان انا برضه الحمدلله يعني اتعلمت اخراج سينما وبقيت مخرجة سينما الحمدلله خلصت الكورس بتاع الإخراج السينمائي والمفروض هقدم المشروع بتاعي اخر حاجة 

كمان من الحاجات الجميلة اللي حصلت ان انا السنة دي اشتغلت فيلمين سينما فيلم شاومينج اخراج ابو شادي ابو شادي دور بسيط ،

يعني مشاركة بسيطة لكن عملت فيلم تاني مع حسن السيد اسمه يوم من عمري الفيلم ده انا عاملة فيه دور برضه مش كبير و لكن دور مؤثر وجميل جدا واستمتعت به جدا جدا وانا بعمله ، برضه حاجة مختلفة خالص عني و دور جميل اوي اوي اتمني يارب ان يلاقي النجاح ويعجب الناس .


مسرحية حارة العوالم

 طبعا من الحاجات اللي بقي أتختمت بيها السنة وكانت  بجد مؤثرة جدا وضايقتني جدا يعني بجد حسّيت أنها فعلا كانت صدمة قاسية جدا و مؤلمة بالنسبة لي. هي وفاة طبعا مخرجنا الغالي أستاذ ياسر زايد مخرج مسلسل الضاهر اللي صبر وقعد حوالي ٣ سنين ونص شغال علي المسلسل و اد ايه هو انسان خلوق ومحترم جدا و اد ايه معاملته كانت كويسة جدا مع كل الكاست بتاع العمل كله و اد ايه كان بيشجعني جدا و كان دايما يقولي يا مريم انتي بعد الضاهر هتبقي في منطقة تانية خالص و انتي ازاي ماحدش كان شايف فيكي ده وانتي ممثلة جميلة طبعا كل كلماته سمعتها في ودني اول ما سمعت الخبر ان هو توفي و اد ايه كان فعلا خبر  مؤلم لأن الناس الكويسة ، الناس الخلوقة المحترمة اللي بتقدر موهبة الناس من غير اَي مقابل ومن غير اَي شئ .

الناس دي فعلا بجد  قلائل وقليل أوي لما بنلاقي حد فعلا في الوسط زيهم فا ياسر زايد كان يعد من الناس اللي فعلا قليلة جدا و كانت تعد يعني ثروات كده في الوسط الفني بأخلاقهم وبفنهم وبذوقهم ، بجد فعلا كان انسان خلوق ويارب يرحمه ويجعل مثواه الجنة

نصائح للسيدات من مريم

إيه اللي بتتمناه الفنانة مريم سعيد صالح     2020 على مستوى العمل والمستوى والاجتماعي ؟

 وطبعا كل امنياتي لكل مصر و لكل الشعب المصري و الشعب العربي و العالم كله بتمني طبعا الخير و السلام وبتمني ان ربنا يعني يعم الخير علي كل الناس كلها والناس الغلابة كلها ربنا يكرمهم ويفتح أبواب الرزق للناس وبتمني طبعا بالنسبة للوسط الفني ان الانتاج يرجع تاني زي الاول يرجع يبقي عندنا انتاج فني غزير .

مريم سعيد صالح تكشف عن ماحققته في 2019 وماتتمناه في 2020

و ان الدولة تتبني الانتاج الفني وترجع هي تاني تنتج لان لما كانت الدولة بتتبي الانتاج كان في ارتقاء بالمنتج وكان في منافسة جيدة بين الاعمال الفنية

اللي بتتناول قضايا وحاجات مهمة و بين بقي الحاجات التانية التجارية اللي برة فكان بيبقي في توازن في السوق شوية فبتمني ان ده يرجع تاني . و ربنا يقدم الخير دايما يارب و اتمني طبعا السلام والأمن لمصر و ربنا يستر فعلا لان المنطقة عَلِي حافة مش لطيفة خالص.

مريم سعيد صالح تصرح عن الشئ السيئ الذي حدث لها …

طبعا كنت قولتلك قبل كده في حوار سابق  ان السنة اللي فاتت. ان كان حصل لي موقف ان انا كده يعني في ناس اتعرفت عليهم كنت اتمني ان ما اتعرفش عليهم ابدا للاسف بقيت الموقف بتاعهم صب معايا في ٢٠١٩

و تاكدت ان الانسان لما حد يعمل معاها موقف وحش مايحاولش ان هو يصلح مايحاولش ان هو يراجع الناس دي . بعد ما ربنا بعدهم عنه فعلا بجد ربنا بيعملنا كل شئ جميل فنرضي بقضاء الله

و قدره ونحمد ربنا و كنت اتمني فعلا ان ما اقابلش الناس دي خالص بس هي الدنيا كده لازم الانسان يقابل ناس حلوة وناس وحشة علشان يقدر النعمة ويعرف الكويس من الوحش.

الفنانة في المطلقات

الفنانة “مريم سعيد صالح” تحبي تقولي ايه لجمهورك والناس اللي بتحبك   بمناسبة السنة الجديدة ؟

كل سنة واحنا كلنا في سعادة و في محبة و إخاء وسنة سعيدة علينا جميعًا يارب

وأمنياتي بأجمل الأعياد طبعا للأخوة المسيحيين بمناسبة أعياد الميلاد المجيدة و يارب كده دايما بخير.

مريم سعيد صالح في مسلسل الضاهر
في مسلسل الضاهر

مقالات ذات صلة

زر الذهاب إلى الأعلى
هذا النص خاضع لحقوق الملكية
إغلاق