“منة تيسير تهاجم موجة الكراهية على السوشيال ميديا: «مش طبيعي ندعي على بعض بالموت»”

كتبت / مايسة عبد الحميد 

أعربت الفنانة منة تيسير عن استيائها الشديد من تصاعد موجات التنمر والكراهية على مواقع التواصل الاجتماعي، مؤكدة أن ما يحدث بات ظاهرة خطيرة تهدد القيم الإنسانية.

وقالت منة، عبر حسابها الرسمي:
“إزاي يوصل بينا الحال إن حد يدعي على حد بالموت لمجرد إنه مش بيحبه؟ هل ده مبرر يشتمه ويهينه لأنه مستخبي ورا شاشة؟ ليه الدعاء بالموت بقى شيء طبيعي؟ إحنا مش في حرب عشان ننتصر على بعض بالكلام الجارح.”

وأضافت الفنانة:
“أنا حزينة جدًا مش عشان نفسي، لكن عشان اللي بقى جوه نفوس الناس، سواء كانت الحسابات حقيقية أو وهمية. مفيش حد ليه حق يشتم أو يتنمر أو يألف قصص عن حد لمجرد إنه مش بيحبه كفنان.”

وأكدت أنها تحتفظ بعدد كبير من لقطات الشاشة للتعليقات المسيئة، مشيرة إلى أن أغلبها يصدر من حسابات وهمية تكرر نفس العبارات:
“كومنتات بشعة كتير واغلبها من أكونتات فيك بنفس الأسلوب والتعليق، لكن اللي مزعلني إننا وصلنا لدرجة إن حد يدعي على حد بالموت.”

واختتمت منة تيسير رسالتها قائلة:
“أنا مش عايزة أي تعليق فيه شتيمة أو إساءة لأي حد، عشان مش حابة ننجرف ورا سوء الأخلاق. حبوا أو اكرهوا برحتكم، لكن من غير تجريح.”