موضوعي جايلك والشوق ماليني .. بقلم الشاعر: محمد عبدالله
صباح الحنين يامه
صباح الدهب والمااااس
صباح الفل
علي ست الكل
على الي فوق عنيها
رشو الحنة وزرعوا الفل
صباح الجناين اللي طرحة
صباح القلب الي مليان بالفرحة
جايلك وشوقي ماليني
ومن كسوفي دمعتي على عيني
سامحيني
يا ضى عيني
اصل الأيد مش طايلة
ادعي ربك يديني
ويعافيني
جايلك وشوقي ماليني
الف مليون نهار وردي
على احلى خدود بلدى
الف مليون نهار ياسمين
على احلى عيون
ياست الحلوين
ألف مليون نهار ابيض
علي شالك الأبيض…
علي ضحتك الي بتحلي يومي
وحضنك الي بيشيل مني
كل همومي…
لساني بشوف نفسي طفل
ف عينيكي..
لسه مهما اغيب ولو لثواني
بشوف قلبك معايا دايما
وبينجيني.
لساكي يامه كل الدنيا وقمرها
ست الكل وكل حياتي
ونهارها..
