تامر حسنى على المسرح بسيارة ومعه أولاده في “مهرجان تامر حسني للمدراس”
أحيا الفنان تامر حسني حفلا غنائيا مساء الجمعة 19 أبريل، وأوضح أنه سيقيم هذا الحفل كل عام تحت عنوان “مهرجان تامر حسني للمدراس”.
وشارك تامر حسني جمهوره بصور من الحفل نشرها عبر حسابه على Instagram وأوضح الفكرة التي قرر تنفيذها.
ودخل تامر حسنى على المسرح بسيارة ومعه أولاده، كما شاركه في الغناء آدم نجل الفنان ماجد المصري الذي صعد على المسرح، كما تواجدت الفنانة رانيا منصور.
وكتب تامر حسني: “عارف أن تكاليف حفلاتي بشكل وحجم المسرح وجميع المؤثرات البصرية الخاصة بشغلي ميقدرش عليها كتير من المدارس فقررت أعمل مهرجان كل سنة وفيه أقوى التجهيزات العالمية، يوم بجمع فيه 50 مدرسة زي النهاردة ونحتفل معاهم وسميناه مهرجان تامر حسني للمدارس والمهرجان ده إهداء مني لكل تلاميذ وأساتذة ومدارس مصر العظيمة في يوم التخرج أو بدء الموسم الدراسي”.
وتابع تامر حسني: “ياما فرحتوني بتعليقاتكم وبحضوركم أفلامي وسماع أغانيا عشان كده حبيت ارد لكم الفرحه دي بطريقتي، وحفلة النهاردة حقيقي من أجمل الحفلات اللي قدمتها على مدار مشواري مليون مبرووووووك لكل الشباب الخريجين وعقبال كل السنين وحتى للمناسبة دي عملت أغنية وهتنزل من الحفله دي إن شاء الله على طول .. شكرا للنجم ماجد المصري وابنه المطرب الصاعد آدم المصري والمطربة الصاعدة دانيا الحريري والنجمة رانيا منصور وابنتها نجمة المستقبل توانا والفنانة الصاعدة ساره هيثم والطفل الجميل آسر أحمد”.
و الاستاذه أمايا و اصدقائها اللي عملولي remix هاااايل ،،، الحفله عملها وحوش المسرح العربي اللي فخور انهم من فريقي و ليهم عندي بوست مخصوص على مجهودهم الخارق اللي حصل النهارده شكراً لكل الجمهور الكريم و ان شاء الله نتقابل السنه الجايه
