عالم الفن
أخر الأخبار

هاني عز الدين اتمنى العمل مع السقا وسقف طموحي في التمثيل بلا حدود

اقرأ في هذا المقال

  • هاني عز الدين اتمنى العمل مع السقا وسقف طموحي في التمثيل بلا حدود
  • أشارك حاليا في مسلسل فلانتينو مع الزعيم

هاني عز الدين

إعداد وحوار /دعاء سنبل

بدايتي الحقيقية مع نور الشريف نفسي ربنا يسترني دنيا واخره طموحي بلا سقف في التمثيل والقادم أفضل بأذن الله اتمنى العمل مع أحمد السقا أشارك حاليا في مسلسل فلانتينو مع الزعيم

بداية عرف نفسك لجمهورك ؟

أنا هاني عز الدين ،عندي ٣٦ سنة ،خريج كلية تجارة ٢٠٠٥ هوايتي الفن و بحب التمثيل جدا ، وبدايتي كانت مع النجم الراحل نور الشريف في مسرحية يا غولة عينك حمرا ودي بعتبرها بدايتي الحقيقية .دخلت عالم الفن صدفة ولا دى كانت أمنيتك؟لا مدخلتش صدفة أنا من صغري في المدرسة وكان دايما بيعملوا مسرحيات كنت صغير ومش مستوعب بس بحب أعمل ده ، بحب أمثل أدوار في المسرحيات دي وكانت مسرحيات خاصة بالأطفال مع الوقت بدأت استوعب أن ده هو اللى انا بحبه وعايزه مبقتش زي اي طفل مركز أكون ظابط ولا دكتور ولا مهندس ولا غيره ،كل اللى كنت مركز فيه اني اكون ممثل وبس وبدأت اركز مع الممثلين وأفلام الفيديو في الوقت ده وخصوصا الأكشن زي افلام اميتاب تشان وزكي شان افلام الشحات مبروك، حتى لدرجة بحاول اقلدهم وأنا في خامسة ابتدائي اتخنقت مع ولد فحبيت اقلد حركة لأميتاب تشان بيرفع فيها رجليه الاتنين ووقعت على ضهرى .

هاني انت عملت اعمال كتير ممكن تفكر الجمهور بيها ؟

هاني عز الدين
هانر عز الدين في مسرحية ٣ايام فى الساحل

مسرحية يا غولة عينك حمرا بطولة نور الشريف وإخراج حسن عبد السلام مسرحية برهومة وكلاه البارومة بطولة احمد ادم واخراج جلال الشرقاوى مسرحية طرائيعو بطولة هنيدى وإخراج سمير العصفورى مسلسل ناجى عطا الله مسلسل محمود المصرى مسلسل خاتم سليمان مسلسل قصة حب مسلسل السر مسلسل لدينا اقوال اخرى مسلسل عزمى وأشجان مسلسل مملكة الغجر مسلسل ربع رومى وحاليا بصور في مسلسل فلانتينو ،حاليا أيضاً مسرحية ٣ ايام فى الساحل بطولة هنيدى اخراج مجدي الهواري.أي هذه الأعمال أقرب لقلبك ؟ ومين أكتر ممثل كنت سعيد بالعمل معه ؟أي عمل أنا بمثله بحس اني بمثل لأول مرة ، أكتر الأعمال لقلبي لما شاركت مع النجم عادل إمام في مسلسل ناجي عطالله على الرغم من أنهم مشهدين فقط ، لأن من بعدها بدأت اتعلم واخد خبرة وأسأل على ورش التمثيل وموضوع النقابة ، ومن أكثر الممثلين لقلبي وبحب العمل معاه جدا الفنان الكوميدي محمد هنيدي .

هاني عز الدين وأحمد حلمي
هانى عز الدين يشارك في مسلسل فلانتينو

مين النجم اللي اشتغلت معاه وحابب تكرر التجربة تاني ؟ ومين النجم اللى مشتغلتش معاه وتتمنى تشتغل معاه ؟

الفنان محمد سعد بحب الكوميدية اللى بيقدمها وطريقته والنجم مشتغلتش معا واتمنى أشتغل معاه الفنان أحمد السقا بحبه جداً .

ايه اللى تتمنى تحققه على الصعيد الشخصي والصعيد الفني ؟

على الصعيد الشخصي كل اللى بتمناه من ربنا انه يسترني دنيا وأخره ، أما على الصعيد الفني هقولك حكاية في مرة كنت بمثل في مسرحية برهومة وكلاه البارومة مع النجم أحمد أدم وكان معانا بنات روسيا فواحدة منهم وجهت لى سؤال قالتلى نفسك تكون ايه رديت قولتلها نفسي أكون ممثل في هوليود يومها بصتلى من فوق لتحت ومشيت وسبتني ومكلمتنيش لآخر المسرحية،من الاخر انا سقف طموحي بلا حدود في التمثيل وبأذن الله هحقق حلمي والقادم أفضل .

هاني عز الدين
هانى عز اادين انمنى العمل مع السقا

مقالات ذات صلة

زر الذهاب إلى الأعلى
هذا النص خاضع لحقوق الملكية
إغلاق