ياسمين صبري تكشف عن سر إختيارها للون الارزق في فستانها بمهرجان الجونة

كشفت الفنانة ياسمين صبري عن سر إختيارها للون الارزق في فستانها المتميز التي غرتدته في حفل الافتتاح قائلة ” الفستان مش محلي من ماركة إسمها ” جي بي وأنا إخترت اللون ده لاني بقيت بحب ألوان الاحجار والي يعرف في علوم الطاقة هيعرف أن اللون الازرق أعلى درجة فيه “.

أضافت في لقاء مع الاعلامية لميس الحديدي في سهرة خاصة بمناسبة إفتتاح مهرجان الجونة السينمائي في نسخته الرابعة و المذاع على شاشة ” ON” قائلة ” الاحجار كلها الوانها حلوة وانا مهتمة بعلوم الطاقة “.

وحول سبب تواجدها في المهرجان ” انا ببقى حريصة على التواجد في المهرجان كل سنة لانه جزء كبير من عالم الممثل وببقى سعيدة فيه وبحضره من أول سنة وهو بيتعمل على غارار المهرجان العالمية والمهرجان الوحيد الي بحضرة “.

اعمال ياسمين صبري

وحول أعمالها الفترة الحالية التي تعكف عليها قالت صبري ” بقرأ ورق لمسلسل بس لسه مش لاقيه حاجة عجباني .. أنا بحاول أتعلم من أخطائي وأعمل حاجة مختلفة عشان كده بنتظر المناسب “.

وإستطردت قائلة ” كل حد بيبقى ليه أخطاء وانا لسه في البداية وطول ماأنا في السكة بتعلم من الاخطاء كل حاجة بعملها بقيمها وبشوف عيوبها عشان أتلافاها “.

وتابعت قائلة ” المفروض كل إنسان ياخد تقديره في عينه بنفسه مش من تقييم الناس ممكن الانسان يتاثر بتقييم اخرين ولازم نشتغل على نفسنا ومانريحش يشتغل على نفسه من كل النواحي “.

دراسة تطوير الذات

وكشفت صبري أنها شرعت في دراسة تطوير الذات منذ خمس سنوات وـاثرت جداً بالموضوع مما دفعها لدراسة علم ” السيكولوجي ” وهو علم ذات صلة بما سبقة وتابعت قائلة ” بعد كده إنتقلت للدراسة الرسمية للمجال الذي أهتم بيه عشان ماقراش كتاب واحد فابقى أسيرة لوجهة نظر الكاتب فدخلت الجامعة وبدرس أونلاين خاصة في وقت كورونا في جامعة هارفارد عشان أستثمر في وقتي ومضيعوش وده طبعي وإستفدت جداً “.

وتابعت قائلة ” قبل الدراسة إتجوزت لان الحياة الشخصية بتحقق التوازن للشخص حتى لو كان ناجح في حياته العملية وده جزء مهم “.

وقالت أن زواجها حقق لها التوازن في جزء كبير من الحياة مشيرة إلى أن زوجها رجل الاعمال أبو هشيمة كان سبباً في هذا التوازن قائلة ” حققلي ده جداً لانه لايق عليا جداً لانه شخص طموح وفيه حاجات كتيرة شبهي وفيه حاجت كتيرة عنده مش عندي على سبيل المثال أنا شخصية منغلقة اوي هو شخص بيعرف الدنيا كلها وده كمان توازن “.

وتفسيراً لما ذكرته عن شخصيتها وأنها منغلقة قالت ” منغلقة يعني ماعنديش اصحاب كتير ولا شلل معينة بخرج معاها حتى الاماكن مافيش مكان معين بروحه دائرتي صغيرة جداً ومقفولة وكانت في الاسكندرية يعني بعيده عن الاضواء وبالتالي أحمد حققلي التوازن في الحتة دي وانا كمان عملتله توازن “.

تأثير السوشيال ميدي

وحول إنزعاجها من تأثير السوشيال ميديا عليها والاضواء خاصة وهي تستخدم سيارتها رولز روس قالت ” أبداً لايزعجني ابدأص الاضواء لان الانسان الذي يقبل ان يكون تحت الاضواء لابد ان يكون قدها لو مش قدها يبعد عنها وانا متشهرتش فجاة وبالتالي إتشهرت تدريجي وتأهلت تدريجي لذلك وبقيت فاهمة أن الشخص المشهور لازم الناس تتكلم عنه ومش هقدر أمنعه وأنا عندي سلام نفسي مش مضايقة واحمد كمان ومش عيب إن الانسان يستمتع بالرزق الي ربنا إدهوله “