أبرز أحداث الحلقة 25 من مسلسل “فهد البطل”

كتبت / مادونا عادل عدلي 

في حلقة 25 فهد راح المكان علشان يقابل الشخص اللي قال له انا معايا حاجه تخصك لقى راجل واقف بسلاح قصاده وبيقول له اثبت بدل ما اضربك بالنار انا سموني اباظه عشان ببص دم البني ادمين وفهد بيقول له مين اللي وزك عليا واباظه بيقول له مش هتفرق معاك يا بطل كلها ثواني وهتقابل عزرائيل

بس انا هقول لك عشان لما يسالوك تحت تقول لهم بداره

وبعد كده فهد بيهجم عليه هم اتنين بيمسكوا في بعض والسلاح بينهم وفجاه انضربت رصاصه من السلاح وفجاه اباظه وقع على الارض ميت

في مشهد حزين عمرو كان بيقلب في الصندوق بتاع امه وبيقلب في ذكرياتها وهو زعلان عليها وزعلان انها كانت عايزه تقول له سر وهو ما عرفش منها ايه السر ده قبل ما تموت وفجاه لقى حاجه مهمه جدا في الصندوق بتاع امه وبعدها دخل عليه العمده غلاب بيقول له انت من حقك تدخل اي مكان وكل حاجه بس ليه بتقلب في حاجه امك والظابط عمرو بيسالوه هي ليه امي كانت بتحسب عمر اخواتي رفعت وزينب باليوم هم مش مفروض ان هم ماتوا من زمان ليه كانت بتحسبه لحد دلوقتي كانهم عايشين وموجودين هو مش زينب ورفعت يبقوا ولاد عمي واخواتي من امي والعمده غلاب بيقول له ايوه انا حكيت لك الحكايه قبل كده

وعمرو بيقول له ايوه وماتوا من زمان ليه امي تقعد تحسب في عمرهم لحد دلوقتي قولي امي ما تحسبش عمر الثالث

غلاب بيقول له يا ولدي ما تقلبش عليا المواجع انا اصلي ما قدرتش اقول لك على علشان كده الحقيقه وفاء الله يرحمها ما كانتش سليمه 100% كانت بتتعب كتير واخذناها لدكتور امراض عصبيه والدكتور قال لي ان عقلها كان رافض الصدمه علشان كده خلقت لنفسها عالم ثاني تعيش فيه مع اولادها

توفيق التمساح العمليه اللي جايه كبيره واحنا مش ناقصين مخاطره وانت اللي هتنزلها بنفسك وفهد بيقول له موافق بس بشرط ريكو صاحبي يكون معايا ونادر بيقول له انت كده عايز تقول له سرنا وفهد بيقول له انا مش هعرفه ان في بضاعه انا كل اللي هقوله له ان احنا رايحين شغل وتوفيق بيقول له ماشي ما فيش مشكله وبعد كده نادر لسه هيقول لي فهد ازاي هيعدي بالبضاعه لو في كمين وفهد بيقول له لا لما تبقى انت اللي طالع بالبضاعه ابقى خطط انما طالما انا اللي طالع يبقى انا اللي خطط

وتوفيق التمساح بيقول له انت ايه خطتك علشان تعدي بالبضاعه وفهد بيقول له احنا هنجيب ثلاث عربيات واحده هيكون فيها البضاعه ودي هيسوقها واحد من رجالتكم والثانيه انا اللي هسوقها والثالثه ريكو صاحبي هو اللي هيسوقها والثلاثه هيبقوا ماشيين ورا بعض الراجل اللي معاه البضاعه هيدخل على الكمين وانا هدخل وراه وريكو صاحبي هيجي من ورايا داخل في عربيتي هنزل انا وهو ندب في بعض خناقه شوارع والحكومه تتلم علشان تفرق ما بينا وقتها هيضطروا يعدوا العربيه اللي فيها البضاعه من غير ما تتفتش وبعد كده بقى نبقى نتصالح انا وريكو حلوه

وتوفيق التمساح بيقول له وانا موافق

ولاء بتقول لك كناريا تعالي نروح القسم نبلغ عن فهد وانا هشهد معاكي ان هو اللي قتل ابوكي احنا ما ينفعش نسيب حقنا يا كناريا وخاصه بعد اللي عملوا فيا

وكناريا بتقول لها ولاء تحلفي على المصحف ان هو لمسك ولاء بتقول لها والمصحف الشريف على عيني هو اللي قتل ابوكي وتحرش بيا

وكناريا بتقول لها طب اعمل ايه اعمل ايه يا رب اروح ابلغ عن جوزي

ولاء بتقول لها طيب هقول لك على حاجه لو انت مش قادره تعالي نسيب هاشم عليه

وامها دخلت بتقول لها كفايه بقى يا بنت يا زنانه انت عايزه تخربي على اختك ليه ابوكي ما كانش بجناحات يعني في ايه يا كناريا وانا بقول ان انت عاقله وهتعقلي لقيتك خايبه وميلتي على كلام اختك وعايزه تخربي على روحك

وكناريا بتقول لها في ايه ياما ده جرحني مرتين مره لما قتل ابويا ومره لما كان عايز ولاء

وامها بتقول لها ومين قال لك انه قتل ابوكي هو انت اتاكدتي وكناريا بتقول لها خلاص نتاكد من الحكومه وتبقى ذمتي ناحيه ابويا خالصه

نادر بيقابل راوية وبترفضه وتعرفه أنها مش بتحبه وبيصمم أنه يوصلها وريكو بيشوف راوية مع نادر التمساح بعد ما وصلها وبتحصل مشاجرة بين نادر وريكو بسبب راوية و نادر بيهدد ريكو لأنه تصدر ضد نادر لراوية