أبرز تصريحات الفنانة نور مع إسعاد يونس من برنامج صاحبة السعادة

متابعة: ثريا الصاوي

استضافت الإعلامية إسعاد يونس أمس الفنانة اللبنانية نور في برنامج “صاحبة السعادة” المذاع على قناة dmc وكانت لها أهم تصريحاتها عن حياتها الفنية والشخصية.

قالت نور: “في مسلسل جمال الحريم التعاويذ التي عرضت ليست حقيقية، لكن الزار حقيقي، الزار كان شيء مزعج بالنسبالي، ومكنتش حابة أقدمه، وكنت رافضة في الأول، حتى منال الصيفي أخدت بالها وفهمت أني مخضوضة من الموقف، لأنهم جابو فرقة زار حقيقية، بس يمكن عشان حاطة في دماغي انه زار حقيقي فكنت مش مرتاحة وخايفة”.

وتابعت: “المواضيع متعرضش ليها في حياتي نهائيًا، وأنا قافلة الباب ده ولا بدور فيه، ولا بجري وراه، التعاويذ اللي مكتوبة في المسلسل مش حقيقية، شبه الكلام، وشبه الصوت، لكن مش حقيقية”.

وبجانبه روت نور تفاصيل عن طبيعة حياتها اليومية مع الأولاد، وكيفية خروجها من منزل وقت توصيل الأولاد إلى سيارة المدرسة

قائلة: “أي مدرس للعيال لما يجي البيت بيتخض، لكن بعد كده بيتعود، لكن المدرسي الي في باص بيتصدموا أكتر، لأني بلبس أي حاجة وأخرج اوصل ولادي بيها”.

أعربت عن حبها وسعادتها بالاستقرار في مصر، قائلة: “مصر بتفتح ايديها لناس كتير، وبستقبل ناس كتير، والجملة دي فعلا حقيقية وأنا واحدة منهم”.

وعن حياتها الزوجية، قالت نور: “احنا مختلفين في تفاصيل كتير جدا، أخدت وقت عشان اتكيف معاه و أول سنة جواز كانت صعبة، و من أكتر التفاصيل اللي كنا مختلفين فيها انه بيحب يصحى بدري الصبح على صوت منبه مزعج ، وكنا بنتخانق على التكيف عشان ببرد بسرعة، لكن مع الوقت اتأقلمنا”.

وأكملت: “بداية الأمومة كانت صعبة، وكان عندي اكتئاب بسبب المسئولية والحبسة ومفيش أجازة من المسئولية هو مش فيلم نخلصه ونرتاح، دا طفل مسئول منك 24 ساعة، وفي الطفل التانى كنت فاهمة واتعودت”.

وقالت نور: “إن الفنان ياسر جلال موهبة كبيرة وخبرة كبيرة ويحتضن كل الممثلين الذين يشاركونه العمل الفني، ياسر جلال بيحس بمشكلة أي فنان يمثل معه ولم أشعر بالضيق أثناء عملي معاه”.

وتابعت: “اشتغلت مع ياسر جلال بمسلسلي رحيم وضل راجل وكانوا مسلسلين ناجحين جداً، مسلسل ضل راجل تناول قضايا تحدث في المجتمع المصري والعربي وكيفية تعامل الأب مع مشكلة تعرضت لها ابنته”.

وأوضحت الفنانة نور كواليس عن شخصيتها في تصوير أي عمل فني أو مسلسل درامي.

قائلة: “بحب آكل محشي قبل التصوير، في مرة كنت باكل محشي قبل تصوير مشهد وفريق العمل استغرب إني بتناول المحشي قبل التصوير، أنا بحب الأكل وأكيد هاكل اللي انا بحبه في أي مكان حتى في التصوير”.

وأضافت: “في ناس بتشوف إننا كـ ممثلين بنصحى كل يوم وبيبقي في تدليك ومساج وراحة نفسية، لكني أنا ست بيت وعندي اطفال وحياتي طبيعية”.

وعن سبب رفضها إظهار أبنائها في صور وفيديوهات على صفحاتها الرسمية بمواقع التواصل الاجتماعي المختلفة

قائلة: “نشاطي على السوشيال ميديا محدود واتحدث عن أبنائي دون إظهارهم على السوشيال ميديا، مش عايزة ولادي يبقوا معروفين وهم مازالوا صغارا في السن، ومن الممكن ان يظهروا على السوشيال ميديا عندما يكبروا في السن لكنهم مازالوا صغار على شعور الشهرة”.

وأكملت نور: “مش عايزة ولادي يكونوا مشهورين عشان مامتهم ممثلة لكن يكونوا مشهورين بسبب حاجة يبدعوا فيها”.