أبرز تصريحات بيومي فؤاد مع عمرو الليثي في برنامج واحد من الناس

كتبت: ثريا الصاوي

استضاف الإعلامي عمرو الليثي الفنان الكوميدي بيومي فؤاد في برنامج “واحد من الناس” المذاع على قناة الحياة وذكر أهم التصريحات والمواقف الشخصية والعملية.

وقال الفنان بيومي فؤاد: “أنا ملتزم بكلمتي عند التعاقد ومعروف عني مش بصعب الأمور وبتفق بسرعة في الشغل، واسألوا المنتجين مش باخد أكثر من 3 دقائق في الاتفاق”.

وتابع: “هناك شخص قام بإيذائي خلال مسرحية أهلا يا بكوات، وبلغ عنى النقابة أني مش معايا تصريح، ومن أصعب أدوار الشر التي شاهدها هو دور حلا شيحة في مسلسل “خيانة عهد” مع يسرا، دور شر مركب”.

وأشار بيومي فؤاد أن من القرارات التي اخذتها وفتحت عليه باب شر هي المسرح، ونفسي أقدم مسرح دولة لكن لسه ماجتش الفرصة.

وعن الشخص الذي نفسي أضربه أجاب أوس اوس، لأن لسانه طويل حتى انه في عزاء حماة عمرو الليثى بقوله محدش يجيلك في حاجة وحشه، فرد لا هتيجى انت مش بتفوت حاجة.

وذكر بيومي أنا كنت مستصغر نفسي على الجواز على طول وكنت بتكسف أقول لأي بنت أنى معجب بيكى، ولهذا السبب تزوجت على كبر، وكنت دائما بحب من طرف واحد.

وأضاف: “أنا في حاجات كتير أخفيها عن مراتي منها أني بشرب سجاير من وراها، ومن الحاجات اللي بخبيها عليها أني كل سنة كنت بوعدها أنى مش هعمل مسلسلات في رمضان، وأخفي عليها وبعدين بمضي شغل في رمضان، و زوجتى ما تعرفش أنا رايح فين وجاي منين، وأنا بطبعي لو حد كلمني وقالي تعالى عاوزك ما اسئلوش عايزني ليه”.

وتابع: “وأمى هي اللي علمتني اسيبها على الله وبلاش مقاطعة، لكني لا يمكن أكذب، وعمر زوجتي ما اتجسست عليا، والحمد لله لم يتم كشفى في حاجة لحد دلوقتى لأن مراتي زعلها وحش أوي والحمد لله ما جربتش لحد دلوقتي”.

وعن مفاجأة الحلقة طلب الإعلامي عمرو الليثي من الفنان بيومي فؤاد أن يؤدي دور شرير على الهواء وأعطاه مسدس، ليوجه بيومي المسدس في وجه عمرو الليثى، في مشهد قوي ويهدده أنه لو تحرك سيقتله ودار حوار مثير بينهما ويطلب عمرو منه ان يطلق النار عليه، ليجيب بيومي مش هضرب، لينفجر الجميع بالضحك في ختام المشهد.