أحمد السقا: نمت على مسامير حقيقية في مسلسل حرب
أكد النجم أحمد السقا على أنه خلال أحداث مسلسل حرب مع النجم محمد فراج كان ينام بالفعل على سرير مكون من مسامير حقيقية.
صرح السقا خلال حواره مع الإعلامية فاطمة مصطفى في برنامج الراديو بيضحك: ده كان بجد وكانت مسامير .. بس كانت مسامير مبرودة ليها طريقة قعدة معينة .. احد يمسكني لحد ما أنام على ظهري ومقدرش أقوم لوحدي لازم حد يقومني .. عشان مضغطش نفسي عليها وجسمى يتخرم.
مضيفاً: كنت مرعوب من عرض المسلسل في التلت الأخير من رمضان .. وبقيت بدعي ربنا يارب متخذلنيش .. وبفضل الله وأحمد نادر جلال قدرنا نطلع المسلسل بالشكل اللي يليق .. وأنا بسميه حفيد العظماء مكنش بينام بنخلص تصوير ويقعد على المونتاج وتصحيح الألوان.
مسلسل حرب من تأليف هانى سرحان وإخراج أحمد نادر جلال وإنتاج شركة سينرجى وبطولة أحمد السقا، محمد فراج، أحمد سعيد عبد الغنى، محمود البزاوى، سارة الشامى، عماد الطيب وعدد من ضيوف الشرف.
