أدينا بعدنا إبسطي .. بقلم / حمادة العسكري
متبت فيكي بتفلتي
تصطادي غلطي وغفلتي
قفلت خلاص من قربنا
ويكفيكي شر قفلتي
تملي معايا تعندي
واضحه النيه تبعدي
يعز عليا أبعد أنا
عن أميرتي وطفلتي
أدينا بعدنا إبسطي
أخبار قلبك إيه تمام
يارب يكون مرتاح كده وعارف ينام
إمسحي يلا وشخبطي
ع المواقف والكلام
ماتسبيش غير النهايه والختام
أطبطب وأهتم وأحتوي
على نار هاديه أستوي
كل يوم افعال تغيظ
صبرت عليكي آه أوي
مصره ف قلبي تصغري
ع الصبر راهنتي تخسري
مفيش ف كرامتي آه عزيز
ومليش قلب بيتلوي
أدينا بعدنا إبسطي
أخبار قلبك إيه تمام
يارب يكون مرتاح كده وعارف ينام
إمسحي يلا وشخبطي
ع المواقف والكلام
ماتسبيش غير النهايه والختام
#كلمات# حماده العسكري
