أريد حلاً… بقلم: نيفين نصار
انا كنت بحب واحد هو مسجل المكالمات و كنت بعتله صور خاصة بي بشعري و مصورني وانا قاعده معاه هو بيهددني انا عرفت انه مش كويس وبيهددني يا اعمل حاجه مش كويسة يا هيقول لـ أهلي لو حد يعرف يهكر التليفون بتاعه عشان يسيبوني في حالي او حد يقولي اتصرف ازاي
حل المشكلة
أولاً: لازم تعترفي انك غلطتي انك تبعتي صورك لحد وكمان بشعرك حتي لو بتحبيه .. لازم تحافظي علي نفسك اكتر من كده.
ثانيا: لازم تاخدى إجراء قانوني و تبلغي مباحث الانترنت بالرسائل اللي بعتها ولو معاكي مكالمات مسجلة تاخديها على فلاشة .. وكل ده مستندات تقدميها في البلاغ .. والقانون سيأخذ مجراه وهيتعاقب.
وياريت تكوني اتعلمتي الدرس ومتتكرش تاني ليكي ولأ أي بنت تنخدع باسم ” الحب ” .. ياريت البنات كلها تتعلم الدرس من اختنا اللي وقعت في هذه المشكله،،، ربنا يحفظ بناتنا أمبن يارب العالمين
