أريد حلاً .. بقلم: نيفين نصار
انا عندي ٣٥ سنة و متزوج و عندي طفل… مشكلتي مع زوجتي انها مش بتسمع كلامي في أنها تاخد بالها من لبسها اللي كتير بيكون قصير و مفتوح و كده و كلمتها كتير جدًا بالحنية شوية و بالحزم و الخناق شوية حتى كلمت أهلها كلهم لكن مفيش فايدة و كله بيقول أنها كده من الأول و ايه اللي اتغير و هي فعلا كده من الأول بس كان عندي أمل أغيرها معرفتش وابتديت اتضايق من مواقف بتحصل كتير و كلام بيترمي ف الشارع عليها وهي ماشيه بسبب اللبس ده لكن مفيش فايدة مش قادر الاقي حل للموضوع ده وخايف من الطلاق علشان الطفل هيتبهدل بنا
حل المشكلة
محدش بيتغير للأسف انت وافقت على كده من الأول وقبلت بالوضع ده ايه اللي اتغير جاي دلوقتي عايز تعترض.. الغلط عندك انت .. وبعدين أهلها مالهم هيقولك ما انت واخدها كده .. هي في بيتك انت .. لو عايز تغير حاجه يبقي تتناقش والتفاهم .. والغلط عندك في الاول والاخر لانك انت اللي قبلت بالوضع ده من الأول .. كنت المفروض تحط النقط على الحروف وقت الخطوبة وتشوف في قبول ولا لأ.. لكن جاي دلوقتي تتكلم
عموما خدها بالهداوة وتناقش وحاول تقنعها.. ربنا يهدى الحال
