أصالة نصري مع منى الشاذلي.. “اتعالجت نفسيًا وكنت بشتغل كتير”

كتبت/ مادونا عادل عدلي

استضافت الإعلامية منى الشاذلي في برنامج “معكم” كلًا من الفنانة اصالة نصري والفنان أحمد سعد، المذاع على قناة Cbc

وفي الحلقة تحدثت الفنانة “أصالة” عن لجوئها للأطباء النفسيين بعد انفصالها من طارق العريان وقبل زواجها من فائق حسن قائلة: “أنا كنت عايشة حياة شيزوفرينيا وكنت بتعالج عند أطباء نفسيين مش طبيب واحد بس وفي الوقت نفسه كنت بشتغل كتير قوي.

وتابعت اصالة لـ منى الشاذلي: ” وفي أول الصدمة كانت أكتر مرحلة اشتغلت بها في حياتي وانا حتى لما كنت معاكي في البرنامج قبل كده مكنتش عارف بحكى ايه وحاسة نفسي في دوامة ومش عارفة ايه اللى يتقال وايه اللى مينفعش يتقال وكل أفكارى متضاربة”.

وقالت الفنانة أصالة : “أنا عندى دكتور بيحبنى كتير وبيحب صوتى وبيتابعنى، وانا كتير بحبه بحس انه بيعالجنى بالشئ اللى احبه، ولكنى استشرت كمان دكاترة أخرى عالجونى بالكلام والحكمة وهم من الاشخاص اللى اثروا فيا”.

واستكملت اصالة: “خضعت للأدوية وكانت أسوء شيء في حياتى واستمرت فترة الأدوية حوالى 8 أشهر، وبمرة اتفلسفت واخدت حباية زيادة عانيت بعدها يومين تلاتة ومكنتش قادرة امشى على رجلى، وانفصلت عن الادوية قبل عيد ميلادى بأيام”.