ألم مكتوم وحرف مكتوب ومين يقرأ بين السطور …  بقلم: شريف مسعود

آآآه ياحرف مخنوق جوايا

لا راضى تطلع ولا تسيب الألم مكتوم

يا صوت حزين وفيك ألم مهموم

ياريت يا صوت ترحم جوايا الظنون

تايه وحرفى تايه منى محروم

لا قادر أعبر ولا أنسي الهموم

ياحرف مالك  كلامك ليه

غامض ومش مفهوم

قالى أخاف يا صاحبي

أنطق تكتر جواك الهموم

أمانه يا حرف خليك مكتوم 

كفايه اللى فيا عدى كل العلوم

لا قادر عليه ولا قادر حتى أقوم

حاسس بعجز  وحيره

وصوتي من كتر الوجع مكتوم

ياحرف جمع كلامك وقول كلام مفهوم

وفز يلا قوم لملم جراحك 

وفوق أصحى كفايه نوم

يا صاحبى اسكت  وخلي الكلام مكتوم

كلمة بتفضح وناس كتير بتلوم

واللي بيسمع ما يخفف وجع يوم

خلي تكالك على الله 

سبحانه الحى القيوم

وارفع إيديك لفوق 

وقول يارب بصوت عالي مفهوم

وحده منجى وهو الواحد القيوم

تعرف يا حرف والله ماعندك لوم

قولت الخلاصة ودلوقتى لاقيت 

كلام مفهوم

سبحانه ربي الواحد الأحد الحي القيوم .