أيتن عامر عن أول تجربة غنائية لها.. “بعد 18 سنة تأجيل أول أغنية ليا”
كتبت:مادونا عادل عدلي
صرحت النجمة أيتن عامر عن أول تجربة غنائية لها عبر حسابها الشخصي على موقع التواصل الاجتماعي فيسبوك حيث نشرت برومو الأغنية وعلقت
اخيرا و بعد ١٨ سنة تأجيل ، اول اغنية ليا هتنزل يوم ٧ يناير و الحقيقة هو يوم مميز جدا ، و ربنا يستر
شكرا لشركة لايف ستايلز ستوديوز اللى تحمست للمشروع و نفذوه على اكمل وجه
مع فريق عمل من اهم الفنانين فى الوسط الفنى
اغنية بناقص الحان وليد سعد و كلمات تامر حسين و توزيع احمد ابراهيم
و صورنا الكليب امبارح الحمد لله و بشكر اختى و صاحبتى بتول عرفة على تعبها و مجهودها و كل الكرو اللى بجد تعبوا و اشتغلوا ٢٤ ساعة بلا توقف ولا راحة
شكرا لمدير التصوير حبيبى ( محمد عز العرب ) و كل الكرو بتاعه ، و شكر خاص لأحمد مبارز صديقى العزيز مصور الفوتوغرافيا على اهداءه الصور دى
الاغنية اهداء منى لكل بنت لان فكرة الكليب بتناقش موضوع مهم و فيه رسالة بسيطة هتشجعهم جدا
اما بقا للشباب اللى الاغنية هتتبعتلهم كتير من ارقام مجهولة الفترة الجاية مش هقولهم غير كلمة واحدة ( أنا اسفة )
